News Portal

  • जेठ २६ गते नगदेशमा दिनभर वः फेस्टिबल, ४ लाखले अवलोकन गर्ने

    भक्तपुरपोस्ट संवाददातामध्यपुर थिमि, २३ जेठ २०८१
    १५६ पटक
    मध्यपुर थिमि, २३ जेठ २०८१

    मध्यपुर थिमि नगरपालिकामा फेरिपनि वः फेस्टिबल हुने भएको छ । अघिल्लो वर्ष दुईपोखरीमा गरिएको व: फेस्टिबल बाट उत्साहित आयोजकले यो वर्ष नगदेशमा वः फेस्टिबल आयोजना गर्ने भएको हो ।

    नेवा: समुदायको पर्व सिथिनखः को अवसर पारेर नगदेशमा जेठ २६ गते शनिवार दिनभर वः फेस्टिबल आयोजना गरिने आज पत्रकार सम्मेलन मार्फत जानकारी गराइएको छ । मध्यपुर थिमि नगरपालिकाको सहयोगमा मध्यपुर पर्यटन बिकास काउन्सिलले सो फेस्टिबल आयोजना गर्ने आयोजक संस्थाका अध्यक्ष रमेश प्रजापतिले जानकारी गराएका छन् ।

    व: फेस्टिबलमा ४ लाख बढी अवलोकनकर्ता आउने बिश्वास व्यक्त गर्दै आयोजकले सोका लागि अधार समेत तयार गरिएको जानकारी गराएको छ ।

    व: भनेको नेवाः समुदायको विशेष परिकार हो । मास, मुगी तथा अन्य विभिन्न गेडागुडी सफा गरी भिजाइ त्यसपछि पिसेर तावामा विभिन्न आकार प्रकारमा पकाइने स्वादिलो परिकारलाई व: भनिन्छ । यसमा स्वाद अनुसार अण्डा, मासु समेत राखी बनाइन्छ । बाराको नामले पनि यसलाई बुझ्ने गरिन्छ ।

    वः फेस्टिबलमा ११ थरिको व: पाक्ने अध्यक्ष प्रजापतिले प्रष्ट पारेका छन् । उनका अनुसार ११ थरिको व: मा (१) माय् (मास) वः (२) मुँ( मुगी) वः (३) मुसू(मुसहर) वः (४) भुति(बोडी) वः (५) तरकारी वः (६) ला/लापि(मासु) वः ( ७) खें(अण्डा) वः (८) ख्वल्चा वः (चामलको पिठोबाट कचौरा आकार बनाई त्यसमा आफुलाई मन पर्ने मास/ मुगी राखेर बनाइने बारा), (९) भु वः / तःपा वः(ठुलो बारा) (१०) सू वः / बारा व(बीचमा प्वाल बनाएर तेलमा तारेर बनाउने बारा र (१२) कसू(केराउको दाल) व: रहने छ।

    नेवा समुदायमा जन्म देखि मृत्यु सँस्कार र मृत्यु पश्चात श्राद्ध तथा विभिन्न चाडपर्व मनाउन र देवी देवतालाई चढाउने काममा प्रयोग हुने वःलाई राष्ट्रिय स्तरमा पुर्याउने लक्ष्य रहेको आयोजक मध्यपुर पर्यटन बिकास काउन्सिलका सचिव शिव सुन्दर श्रेष्ठले बताएका छन् ।लिच्छवी र मल्ल कालदेखी नै नेवा समुदायको सुख दुःखमा वः नभई नहुने परिकारको रुपमा रहेको छ । फेस्टिबलमा वः को महत्व, यसका प्रकार र यसको उपयोगको ईतिहासका बारेमा जानकारी दिने र पर्यटनसंग जोड्ने उदेश्य रहेको श्रेष्ठले बताए । व: फेस्टिबलले मध्यपुरको रैथाने स्वादलाई स्थापित गर्ने र खानाको स्वाद लिन पर्यटकलाई आकर्षित गरी यहाका कला, संस्कृती र सम्पदाहरुको समेत प्रचार प्रसार गरिने सचिव श्रेष्ठले बिश्वास व्यक्त गरेका छन् ।

    वः फेस्टिभलसंगै यस वर्ष भने ग्रीन भेजीटेबल एक्स्पो पनि जोड्ने आयोजकले जनाएको छ । सागसब्जीका लागि प्रख्यात नगदेशमा व: संगै यहाँका रैथाले हरियाँ तरकारीहरु प्रदर्शन गरी प्रचारप्रसार र आयआर्जनको लक्ष लिइएको काउन्सिल सदस्य रत्नकेशरी प्रजापतिले जनाएकी छन् ।

    प्रतिकृया दिनुहोस्

    ईप्सन भक्तपुरको हिज्जे प्रतियोगितामा यूनिटी स्कूल प्रथम

    ईप्सन भक्तपुरको बोर्ड कार्यक्रम अन्तर्गत मदरल्याण्ड स्कूलको आयोजनामा सम्पन्न अङ्ग्रेजी हिज्जे प्रतियोगितामा यूनिटी स्कूल प्रथम,...

    रगतको सही प्रयोगले अभाव केही हदसम्म कम गराउन सकिन्छ

    रगत अभावको बारेमा हामीले बेलाबेलामा विभिन्न सञ्चार माध्याममा पढ्ने रसुन्नेगरेका छौँ।नेपालमा दैनिक हजारौँ व्यक्तिले रक्तदान...

    आलोचना होइन, प्रशंसा गर्नुस् : अध्यक्ष ओली

    पूर्व प्रधानमन्त्री समेत रहेका नेकपा (एमाले) का अध्यक्ष केपी शर्मा ओलीले कार्यकर्तालाई आलोचनामा रमाउनुको सट्टा...

    महिलाहरु रक्तदानमा पछि, जीवनदानको रुपमा रहेको रक्तदानप्रति प्रेरित गर्नुपर्नेमा जोड

    रक्तदानलाई ‘जीवन दान’ को रुपमा श्रद्धाले ग्रहण गरिने भएपनि यसप्रति महिला वर्गलाई आकर्षित गर्न नसकिएको...

    भक्तपुरका ४ पत्रकारलाई पत्रकार महासंघको पुरस्कार र सम्मान

    sanjeep ghimire shubhachintak fnj

    नेपाल पत्रकार महासंघ जिल्ला शाखा भक्तपुरले जिल्लाका ४ पत्रकारलाई पुरस्कृत गरेको छ । शाखाले आफ्नो...