News Portal

  • महिलाहरु रक्तदानमा पछि, जीवनदानको रुपमा रहेको रक्तदानप्रति प्रेरित गर्नुपर्नेमा जोड

    भक्तपुर पोष्ट संवाददाता भक्तपुर, ३१ जेठ २०८१
    २७८ पटक
    भक्तपुर, ३१ जेठ २०८१

    रक्तदानलाई ‘जीवन दान’ को रुपमा श्रद्धाले ग्रहण गरिने भएपनि यसप्रति महिला वर्गलाई आकर्षित गर्न नसकिएको देखिएको छ । पुरुषको तुलनामा महिलाहरु रक्तदानमा पछि परेका एक तथ्याङ्कले देखाएको हो ।

    विश्व रक्तदाता दिवसको अवसरमा नेपाल रेडक्रस सोसाइटी भक्तपुर शाखाले बिहीवार गरेको पत्रकार सम्मेलनमा शाखाका अध्यक्ष परशुराम पाण्डेले सो तथ्यांक प्रस्तुत गरेका हुन् । सभापति पाण्डेका अनुसार १ वर्षमा भक्तपुर शाखाले रक्तदाताहरुबाट २५ हजार ९ सय ४० पिन्ट रगत संकलन गरेको छ । जसमा ५ हजार ५ सय ५७ पिन्ट रगत महिला रक्तादाताले दान गरेका देखिन्छ ।

    भक्तपुर शाखामा कूल रक्तदातामा करिब २२ प्रतिशत मात्र महिला रक्तदाताको सहभागिता रहेको छ ।

    उक्त अवसरमा सभापति पाण्डेले रक्तदान उत्सवको २ दशक पूरा भएकोमा सबै रक्तदातालाई धन्यवाद व्यक्त गरेका छन् । भक्तपुरमा रेडक्रसको शाखा बिक्रम सम्बत २०२५ सालमा स्थापना भै २०४५ सालबाट रक्त संचार सेवा र २०६० सालबाट रक्ततत्व निर्माण सेवा शुरु गरिएको सभापति पाण्डेले प्रष्ट पारेका छन् । सो अवसरमा सभापति पाण्डेले १ वर्षमा ५१ हजार १ सय ५१ पिन्ट रगत वितरण गरिएको समेत बताए ।

    पत्रकार सम्मेलनमा दिईएको जानकारी अनुसार जिल्लाका सबै स्थानीय सरकारले नेपाल रेडक्रस सोसाइटी भक्तपुर शाखा मार्फत आफ्ना नागरिकका  लागि निशुल्क रगत उपलब्ध गराएका छन् । जिल्लाबासी स्थानीयलाई नगरपालिकाले सोधभर्ना गर्ने गरी निशुल्क रगत तथा रक्त तत्व वितरण हुँदै आएको सभापति पाण्डेले बताए ।

    भक्तपुर अस्पतालले २०७७ सालबाट प्रसुती सेवाको लागि सोधभर्ना गर्ने गरी रक्तासेवा लिएपछि त्यसैको अनुभवबाट भक्तपुरका स्थानीय सरकार संग सम्झौता गरिएको र यो कार्यक्रम असाध्यै प्रभावकारी भएको सभापति पाण्डेको भनाइ छ । उनका अनुसार बागमती प्रदेशका अन्य पलिकाहरु पनि यो कार्यक्रमप्रति आकर्षित देखिएका छन् ।

    पत्रकार सम्मेलनमा शाखाका पूर्व सभापति एवं केन्द्रीय उपमहामन्त्री मनोज कुमार थापाले नेपाल रेडक्रस सोसाइटीको काम, कर्तब्य र अधिकार माथि प्रकाश पार्दै रक्तदान प्रति आम मानिसलाई उत्प्रेरित गर्दै रक्तदाताको संख्या बढाउँन पत्रकारिता जगतको निरन्तर सहयोग रहने बिश्वास व्यक्त गरे ।

    सो अवसरमा जीवन दानको रुपमा रहेको रक्तदानप्रति मानिसलाई प्रेरित गर्नुपर्नेमा जोड दिइएको छ । एक स्वस्थ मानिसले हरेक तीन महिनामा रक्तदान गर्दा शारिरमा कुनै हानी-नोक्सानी नहुने र उसले एकपटकमा ३ जना बिरामीको ज्यान बचाउन सक्ने बताइएको छ ।

    शाखाका संचार संयोजक तुलसी नारायण दुम्याख्वको सभापतित्वमा सम्पन्न कार्यक्रमको संचालन मन्त्री धर्म कार्कीले गरेका थिए भने सो अवसरमा नेपाल पत्रकार महासंघ भक्तपुरका  अध्यक्ष जगत कृष्ण प्रजापति, चाँगुनारायण-२ का वडाध्यक्ष सोमप्रसाद प्रधानसहित नेपाल रेड्क्रस सोसाइटी भक्तपुर शाखाका पदाधिकारी एवं पत्रकारहरुको बाक्लो उपस्थिति रहेको थियो ।

     

    प्रतिकृया दिनुहोस्

    यो सरकार काण्ड खोतल्न होइन, मिलाउन बनेको हो : पूर्व प्रधानमन्त्री प्रचण्ड

    पूर्वप्रधानमन्त्री एवं नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले नक्कली भूटानी शरणार्थी लगायतका विभिन्न...

    काठमाडौंमा माओवादी केन्द्रको खबरदारी सभा

    नेकपा माओवादी केन्द्रले आज काठमाडौंमा खबरदारी सभा गरिरहेको छ । सुन्धाराबाट जुलुससहित आएको र्याली प्रदर्शनी...

    भक्तपुर नगरव्यापी विद्यालयस्तरीय खेलकुद प्रतियोगिता शुरु

    भक्तपुर नगरव्यापी विद्यालयस्तरीय खेलकुद प्रतियोगिता शुरु भएको छ । नेपाल मजदुर किसान पार्टीका अध्यक्ष नारायणमान...

    भक्तपुरकी सिडिओ श्रेष्ठको सरुवा

    roshani shreshtha cdo

    भक्तपुरकी सिडिओ रोशनीकुमारी श्रेष्ठको सरुवा भएको छ । गृह मन्त्रालयले शुक्रवार उनको सरुवा गरेको हो...

    स्वन्ती नःखा (तिहार) मनाउने सम्बन्धमा भक्तपुर नगरमा पन्चाङ्ग निर्णय

    Tihar

    यस वर्षको स्वन्ती नःखा (तिहार) मनाउने सम्बन्धमा भक्तपुर नगरले पन्चाङ्ग निर्णय गरेको छ । भक्तपुर...