News Portal

  • भक्तपुरमा टेलिभिजन रियालिटी शो ‘प्रतिभाको आँगन’को अडिसन शुरु

    भक्तपुर पोष्ट संवाददाता भक्तपुर, ३ असार २०८१
    ६०० पटक
    भक्तपुर, ३ असार २०८१

    भक्तपुरस्थित संस्थागत विद्यालयका विद्यार्थीलाई लक्षित गरी संचालित टेलिभिजन कार्यक्रम ‘प्रतिभाको आँगन’को  तेस्रो संस्करण आउने भएको छ । बालबालिकाको नृत्य प्रतियोगिताको ‘टेलिभिजन रियालिटी शो’को रुपमा ख्याति कमाएको नमस्ते ख्वप: टेलिभिजनको लोकप्रिय कार्यक्रम प्रतिभाको आँगन तेस्रो संस्करण आउने भएको हो ।

    प्याब्सनद्वारा प्रायोजित भएकोले कार्यक्रमको नाम प्याब्सन प्रतिभाको आगन नृत्य प्रतियोगिता- २०८१ रहेको छ । यसमा प्याब्सनको भक्तपुर जिल्लामा आवद्ध सदस्य विद्यालयका विद्यार्थीहरु सहभागी हुन पाउने बताइएको छ । अडिसन राउण्ड शुरु भएको र प्रतियोगीहरु छनौट भैरहेका टेलिभिजनका प्रवन्ध निर्देशक ऋषिकेश श्रेष्ठले जनाएका छन् ।

    प्रतियोगितामा सहभागी हुन चाहने विद्यार्थीहरुले आ-आफ्नो विद्यालयमा उपलब्ध आवेदन फारम भरेर विद्यालयमै बुझाउने व्यवस्था मिलाइएको उनले बताए । विद्यालयको समन्वयमा चुनदेवीस्थित प्याब्सनको कार्यालयमा प्रतियोगीलाई ल्याइने र अडिसन लिने टेलिभिजनले जनाएको छ । अडिसनमा उतीर्ण भएका विद्यार्थी मात्र प्रतियोगितामा सामेल हुन पाउने छन् ।

    ”अडिसनका लागि असार १४ गतेसम्म विद्यालयमै पाइने आवेदन फारम भरेर विद्यालयमा बुझाइसक्नु पर्दछ ।”  टेलिभिजनका प्रवन्ध निर्देशक ऋषिकेश श्रेष्ठले भने ।

    प्रतिकृया दिनुहोस्

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...

    साथीको घरमा युवकको शव फेला

    भक्तपुरको चाँगुनारायण– ४ मा एक युवक मृत फेला परेका छन् । १९ वर्षीय निरोज लामा...

    चाँगुनारायणमा ५० जनालाई झोल साबुन बनाउने तालिम

    प्रमुख प्रतिपक्षी दल नेकपा (माओवादी केन्द्र) को महिला संगठन अनेमसंघ (क्रान्तिकारी)ले चाँगुनारायणमा सिपयुक्त स्वरोजगार गृहिणी...

    भारतमा नेपाली विद्यार्थीमाथि दमन भएको भन्दै भक्तपुरमा बिरोध प्रदर्शन

    भारतको ओडिसा राज्यको राजधानी भुवनेश्वरस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत एक नेपाली...

    कुकुरलाई हेर्ने दृष्टिकोण बदलौँ !

    “कुकुर” समाजमा हुने अरु प्राणीसरह नै हो । अझ भन्ने हो भने कुकुरको काम अरू...