News Portal

  • ‘चाँगुनारायण सिटी एभोकाड़ो सिटी’ अभियानको दोश्रो चरण शुक्रवारबाट शुरु हुँने

    भक्तपुर पोष्ट संवाददाता चाँगुनारायण , २० ासार २०८१
    ६२६ पटक
    चाँगुनारायण , २० ासार २०८१

    पर्यावरण, स्वास्थ्य, उत्पादन र आयआर्जनको दृष्टिले बहुगुणी फल एभोकाडोलाई चाँगुनारायण नगरपालिकाका प्रत्येक घरमा रोप्ने र फलाउने अभियान ‘चाँगुनारायण सिटी एभोकाडो सिटी’ अभियानको दोश्रो चरणको कार्यक्रम शुरु हुने भएको छ । चाँगुनारायणमा गत वर्ष निकै लोकप्रिय रहेको यो अभियान यस वर्ष शुक्रवारबाट शुरु हुने भएको हो ।

    दोश्रो चरणको अभियान चाँगुनारायण-७ मझुवाबाट शुरु गर्ने कार्यक्रम रहेको अभियानका संयोजक नरेश खड्काले जानकारी गराएका छन् । बिहान ७ बजेदेखि ८ बजेसम्म विशेष कार्यक्रमका बीच एभोकाड़ो वितरण गरिने उनले जानकारी गराए ।

    प्रमुख संरक्षक डिपी ढकालको प्रमुख आतिथ्यतामा बुधवार बसेको ‘चाँगुनारायण सिटी एभोकाड़ो सिटी अभियान’ समितिको बैठकले शुक्रबारबाट यो वर्षको अभियान शुरु गर्ने निर्णय गरेको अभियन्ता दिनेश खनालले जानकारी दिए । सो बैठकमा प्रत्येक वडामा अभियान अन्तर्गत बिरुवा बाड्ने तालिका समेत बनेको अभियन्ता खनालले बताएका छन् ।

    जसअनुसार शुक्रवार चाँगुनारायण नगरपालिका ७, मझुवा र शनिवार चाँगुनारायण नगरपालिका- २ दुवाकोटमा कार्यक्रम हुने छन् । त्यसैगरी असार २४ गते चाँगुनारायण- १ चाँगु स्कुल चौर, २६ गते चाँगुनारायण-४ न्याचोपौवा, २८ गते चाँगुनारायण- ३ झौखेल र २९ गते चाँगुनारायण-८ सुडालमा अभियानले काम गर्ने उनले बताए ।

    ३ वर्षभित्र चाँगुनारायणका १७ हजार घरमा कम्तिमा २ बोट एभोकाड़ो रोप्ने र फलाउने उदेश्य राखिएको चाँगुनारायण सिटी एभोकाड़ो सिटी अभियान गत वर्ष देखि शुरु भएको हो । ३१ असार २०८० बाट शुरु भएको अभियानले गत वर्ष चाँगुनारायणको सबै वडामा बिरुवा पुर्याएको र ती बिरुवा सन्तोषजनक किसिमले सप्रिरहेका अर्का अभियन्ता रामकुमार तामाङ्गले बताएका छन् । गत वर्ष ७ हजार बढी बिरुवा रोप्ने कार्य सम्पन्न गरिएको अभियन्ता मदन श्रेष्ठले बताए । यो वर्षको अभियानका लागि ३ हजार ३ सय बिरुवा ल्याइसकिएको उनको भनाइ छ ।

    यस अभियानका परिकल्पनाकार भने बौद्धिक व्यक्तित्व डिपी ढकाल हुन् । उनी अभियानको मुख्य संरक्षक रहेका छन् । बागमती प्रदेश सरकारको मुख्यमन्त्रीका प्रमुख राजनीतिक सल्लाहकार समेत रहेका ढकाल यस क्षेत्रका भरपर्दा नेता पनि मानिन्छन ।

    यस अभियानमा सयौं अभियन्ता स्वत:स्फूर्त जोडिएका र हजारौ परिवार सामेल भएकाले गर्दा नेता ढकाल अभियानप्रति उत्साहित देखिन्छन । गत वर्ष झैं यो वर्ष पनि अभियान उत्सवकै रुपमा सम्पन्न हुने उनले बिश्वास व्यक्त गरेका छन् ।

    चाँगुनारायणका सबै घरमा दुई बोट एभोकाड़ो रोप्ने र फलाउने उदेश्यले कम्तिमा ३ वर्षसम्म संचालन हुने यस अभियान अन्तर्गत यो वर्ष पनि प्रत्येक वडामा पुग्ने र करिब ७ हजार बिरुवा रोप्ने अभियानले लक्ष लिएको बताइएको छ ।

    प्रतिकृया दिनुहोस्

    बानियाँलाई परास्त गरेका बहादुरसिंह बने काँग्रेसबाट बागमतीमा पहिलो मुख्यमन्त्री

    बागमती प्रदेश सरकारको मुख्यमन्त्रीमा बहादुरसिंह लामा नियुक्त भएका छन् । मंगलबार प्रदेश प्रमुख यादव चन्द्र...

    टिप्परमा स्कुटी ठोक्किँदा २१ वर्षीय युवकको निधन

    भक्तपुरमा टिप्परको पछाडि ठोक्किएर दुर्घटनामा परेका स्कुटी चालकको ज्यान गएको छ । ज्यान गुमाउनेमा तेह्रथुम...

    प्रदेशमा भक्तपुरका सांसद थापामगरको मन्त्री पद सुनिश्चित, श्रेष्ठको पनि सम्भावना कायमै

    भक्तपुर-२ (क) सूर्यविनायक क्षेत्रबाट निर्वाचित प्रदेश सभा सदस्य किरण थापामगर र भक्तपुर-१ (क) चाँगुनारायण क्षेत्रबाट...

    सत्ताका लागि खेलोफड्को गर्ने र अस्थिरताको दोष व्यवस्थालाई दिने भन्दै नेपालको कटाक्ष

    नेकपा एकीकृत समाजवादीका अध्यक्ष माधवकुमार नेपाल संसदमा बोल्दै थिए । प्रधानमन्त्री केपी ओलीले आफ्नो पक्षमा...

    प्रधानमन्त्री ओलीले पाए विश्वासको मत

    प्रधानमन्त्री केपी शर्मा ओलीले विश्वासको मत पाएका छन् । प्रतिनिधि सभाको आजको बैठकमा प्रधानमन्त्री ओलीले...