भक्तपुर पोष्ट संवाददाता भक्तपुर, २६ असार २०८१
भक्तपुर, २६ असार २०८१सानोठिमीस्थित शिक्षा तथा मानव श्रोत विकास केन्द्रको वेबसाइटमा यौनजन्य औषधीको प्रचार गरिएको छ ।
वेबसाइटमा उपयोगी लिंक भन्दै यौनवर्द्धक औषधी बारे जानकारी गराइनुका साथै अर्डरका लागि लिंक समेत उपलब्ध गराइएको छ ।
वेबसाइट प्रयोगकर्ताले केन्द्रले यो हदसम्मको लापरवाही प्रदर्शन गर्नु लज्जास्पद भएको गुनासो गरेका छन् ।
प्राय: शिक्षक, विद्यार्थी, अभिभावक र शिक्षा संग सरोकार राख्नेहरुले खोजि गर्ने महत्वपूर्ण वेबसाइटमा खुलेआम प्रतिबन्धित यौनजन्य औषधीको अर्डर लिंक भएको केन्द्रलाई थाहा नहुने भन्ने कुरा पत्याउन नसकिने वेबसाइट प्रयोगकर्ताले प्रतिक्रिया दिएका छन् ।
शिक्षाकै एक प्रमुख केन्द्रको वेबसाइमा ह्याक भएको भन्ने छुट नहुने वेबसाइट प्रयोगकर्ता रहेका एक शिक्षकले जिकिर गरे । ”ह्याक भएको हो भने पनि त्यसलाई केही मिनेटमै हटाउन सक्नुपर्छ ।” उनले भने ।
