भक्तपुरपोस्ट संवाददाताभक्तपुर, ११ साउन २०८१
भक्तपुर, ११ साउन २०८१आइतबार उपत्यकाभित्रका सबै स्थानीय तह र स्थानीय तह मातहतका निकायमा सार्वजनिक बिदा हुने भएको छ । काठमाडौ उपत्यका मेयर्स फोरमले सो निर्णय गरेको हो ।
उपत्यका भित्रको कीर्तिपुर नगरपालिकाका प्रमुख राजकुमार नकर्मीको निधनमा आइतबार शोक बिदा दिने निर्णय गरिएको काठमाडौं उपत्यका मेयर्स फोरमले बिज्ञप्तीमार्फत बताएको छ । भक्तपुर, ललितपुर र काठमाडौका स्थानीय तह र मातहतका निकायमा सार्वजनिक बिदा दिने निर्णय गरिएको फोरमका अध्यक्ष चिरिबाबु महर्जनद्वारा जारी विज्ञप्तीमा उल्लेख छ ।
कीर्तिपुर नगरपालिकाका प्रमुख राजकुमार नकर्मीको गएराती निधन भएको थियो । ६० वर्षिय नकर्मी नेपाली काङ्ग्रेस काठमाडौका उपसभापति समेत थिए ।