News Portal

  • सिनामंगलस्थित सेन्ट्रल कलेजमा स्वास्थ्य सेवा व्यवस्थापन विषयको स्नातकोत्तर तह शुरु

    भक्तपुर पोष्ट संवाददाता भक्तपुर, २ भदौ २०८१
    ८०४ पटक
    भक्तपुर, २ भदौ २०८१

    काठमाडौंको सिनामंगलस्थित सेन्ट्रल कलेजले स्वास्थ्य सेवा व्यवस्थापन(हेल्थ केयर म्यानेजमेन्ट) मा स्नातकोत्तर तहको अध्यापन शुरु गरेको छ । कलेजले एक कार्यक्रम गरी हेल्थ केयर म्यानेजमेन्टमा स्नातकोत्तर तहको पढाइ शुरु गरिएको घोषणा गरेको हो ।

    पोखरा विश्वविद्यालयबाट स्विकृती लिएर स्वास्थ्य सेवा व्यवस्थापन विषयमा स्नातकोत्तर तह शुरु गरिएको कलेजका सह प्राचार्य गणेश बुढाथोकीले बताए । कलेजले सोही विषयमा स्नातक तह पढाइरहेको र विद्यार्थीको माग बमोजिम तह थप गरिएको उनको भनाइ छ ।

    सेन्ट्रल कलेजका प्राचार्य पारस श्रेष्ठले अहिले अस्पताल व्यवस्थापक लगायत स्वास्थ्य सेवाको क्षेत्रमा ब्यवस्थापकीय जनशक्तिको माग बढेकोले आफूहरुले स्नातकोत्तर तह पनि संचालनमा ल्याएको प्रष्ट पारे । निजी अस्पतालले व्यवस्थापनका लागि हेल्थ केयर म्यानेजमेन्ट पढेका दक्ष जनशक्ति राख्दै आएकोमा सरकारी अस्पतालमा पनि माग बढ्दै गएकोले दक्ष जनशक्ति आपूर्ती गर्न आफूहरुले यो विषयलाई महत्व दिएको उनले बताएका छन् ।

    मास्टर्स इन हेल्थ केयर म्यानेजमेन्टको शुभारम्भ कार्यक्रमलाई सम्बोधन गर्दै प्रमुख अतिथि रहेका पोखरा विश्वविद्यालयका डिन प्राडा दयाराज ढकालले स्वास्थ्य सेवा व्यवस्थापन कार्यका लागि आवश्यक दक्ष जनशक्ति अभाव भैरहेको अवस्थामा सेन्ट्रल कलेजको पढाइले दक्ष जनशक्ति उत्पादन हुने विश्वास व्यक्त गरे । कार्यक्रममा उनले स्वास्थ्य सेवा व्यवस्थापन विषयको स्कोपबारे विद्यार्थीहरुलाई प्रशिक्षित समेत गरेका थिए ।

    अस्पतालका सेवासुविधा र गुणस्तर वृद्धि गरी सेवाग्राहीमैत्री अस्पताल संचालनमा दक्ष व्यवस्थापक उत्पादन गर्न सेन्ट्रल कलेजलाई उनले सफलताको शुभकामना समेत दिएका छन् । सो अवसरमा उपत्यका लगायत बिभिन्न ठाउँका प्रतिष्ठित अस्पतालका संचालकहरुले पनि स्नातकोत्तर तह शुभारम्भको अवसरमा कलेज र विद्यार्थी वर्गलाई सफलताको शुभकामना प्रदान गरेका थिए ।

    उच्च शिक्षामा आफूलाई अब्बल सावित गर्दै आएको सेन्ट्रल कजेलमा स्नातक तहमा भने स्वास्थ्य सेवा व्यवस्थापन, होटल व्यवस्थापन(बिएचएम) र व्यवसाय प्रशासन(बिबिए) का कक्षाहरु संचालन हुँदै आएका छन् । विद्यालय तह समेत संचालन गरिरहेको रहेको यो शैक्षिक संस्था दशकौंदेखि शिक्षा सेवामा समर्पित रहँदै आएको छ ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...