भक्तपुरपोस्ट संवाददाताभक्तपुर, २ भदौ २०८१
भक्तपुर, २ भदौ २०८१भक्तपुर- १ इटापाको स्थित जय नेपाल चाेकमा २ मोटरसाइकल ठोकिँदा २ जना घाइते भएका छन् ।
व्यासीबाट सल्लाघारीतर्फ आउँदै गरेको बा ५४ प ३५५६ नं. को मोटरसाइकललाई साेही दिशाबाट आउँदै गरेको बा प्र-०२-०११ प ९२३९ नम्बरको अर्को मोटरसाइकलले पछाडिबाट ठक्कर दिँदा दुर्घटना भएको प्रत्यक्षदर्शीको भनाइ छ ।
पछाडिबाट ठक्कर खादा दुर्घटनामा परेका चालक भनपा-३ का सुरेन्द्र शिल्पकारको दायाँ खुट्टा भाच्चिएको छ भने पछाडि सवार सुनिता शिल्पकारको दायाँ कम्मरमा सामान्य चोट रहेको चिकित्सकले जनाएका छन् ।
घाइतेहरुको सल्लाघारीस्थित डा. इवामुरा स्मृति अस्पतालमा उपचार भैरहेको छ ।