भक्तपुर, १५ भदौ २०८१अनेरास्ववियु(क्रान्तिकारी)ले भक्तपुर बहुमुखी क्याम्पसमा नयाँ कार्यसमिति निर्वाचित गरेको छ । शनिबार सम्पन्न ९ औं सम्मेलनले सागर बनमालाको नेतृत्वमा नयाँ कार्यसमिति निर्वाचित गरेको हो ।
बनमाला स्नातक तेस्रो वर्षका विद्यार्थी हुन् । सम्मेलनको बन्द सत्रले उनको नेतृत्वमा ३९ सदस्यीय क्याम्पस समिति निर्विरोध निर्वाचित गरेको विद्यार्थी नेता केशव घिमिरेले बताए । स्ववियु सहसचिव समेत रहेका नेता मास बहादुर लामाको प्यानल प्रस्ताव सम्मेलनले सर्वसम्मत स्वीकृत गरेको उनले जनाएका छन् ।
समितिको वरिष्ठ उपाध्यक्षमा विरेन्द्र अधिकारी र उपाध्यक्षहरुमा रविना श्रेष्ठ र सूर्य तामांग रहेका छन् । त्यस्तै सचिवमा आकाश गजुरेल र सहसचिवमा दिक्षा खड्का, पेम्बा लामा र सावित्रा विक निर्वाचित भएका बताइएको छ । कार्यसमितिको कोषाध्यक्षमा भने दिलमाया योञ्जन निर्वाचित भएकी छन् ।
सम्मेलनको उद्घाटन सत्र नेकपा (माओवादी केन्द्र)का केन्द्रीय सदस्य डिपी ढकालको प्रमुख आतिथ्यता र अखिल क्रान्तिकारीका केन्द्रीय उपाध्यक्ष केशव रावल एवं पार्टीका जिल्ला संयोजक सुनिल बासुको विशेष आतिथ्यतामा सम्पन्न भएको थियो ।
सो अवसरमा भक्तपुर नगर अध्यक्ष राकेश सुवाल, अखिल क्रान्तिकारीका केन्द्रीय सचिव बालकुमार केसी, नरेन्द्र ऐडी, रमेश खड्का, उपत्यका सचिव समिर पाण्डे, केन्द्रीय सदस्य प्रकास केसी, मास बहादुर लामा, जिल्ला अध्यक्ष प्रदीप तज, लगायतको आतिथ्यता रहेको थियो ।