भक्तपुर पोष्ट संवाददाता भक्तपुर, ३ असोज २०८१
भक्तपुर, ३ असोज २०८१ सडक डिभिजन भक्तपुरका प्रमुख रहेका सि.डि.ई. मेघराज मरासिनीको सरुवा भएको छ । दुई वर्षे कार्यकाल बिताएका उनको सडक सुधार आयोजना काठमाडौंमा सरुवा भएको हो ।
मिजासिला स्वभावका डिभिजन प्रमुख मरासिनी मातहतका कर्मचारीका प्रिय थिए । उनको कार्यकालमा सडक डिभिजन भक्तपुरले ९७ प्रतिसत सम्म कार्य प्रगती हासिल गरेको थियो । सडक डिभिजन भक्तपुरले भक्तपुर र काभ्रेका सडक र पूल निर्माण तथा मर्मतसम्हारको कार्य गर्दै आएको छ ।
मरासिनीको ठाउँमा सडक सि.डि.ई. सुमन योगेस सडक डिभिजन भक्तपुरको कार्यालय प्रमुख भएका छन् । उनी कान्ति लोकमार्ग सडक योजना कार्यालय ललितपुरबाट सरुवा भई भक्तपुर आएका हुन् । यस अघि पनि योगेश सडक डिभिजन भक्तपुरको प्रमुख भएका थिए ।
एक कार्यक्रमका बीच बुधवार कर्मचारीहरुले मरासिनीको बिदाई एवं सुमन योगेसलाई स्वागत गरेका छन् ।
