भक्तपुर, ५ असोज २०८१शिक्षा पत्रकार समूहमा निर्जला कक्षपतिको नेतृत्वमा नयाँ कार्यसमिति निर्वाचित भएको छ ।
शिक्षा पत्रकार समूहकाे शनिबार सम्पन्न १२ औं अधिवेशनले निर्जला कक्षपतिकाे नेतृत्वमा १३ सदस्यीय नयाँ कार्यसमिति निर्वाचित गरेकाे हो ।
अध्यक्ष पदमा मतदान भएको निर्वाचन समितिले जनाएको छ । समितिका संयोजकले जनाए अनुसार ३० मत खसेकोमा १७ मत सहित कक्षपति निर्वाचित भएकी हुन् ।
निर्वाचन समिति
शिक्षा पत्रकारहरुको सबैभन्दा जेठो संस्था शिक्षा पत्रकार समूहमा ४७ सदस्य आवद्ध रहेका छन् । समूहका संस्थापकसमेत रहेका पूर्व अध्यक्ष सुदर्शन घिमिरे लगायतका केही सदस्यहरु भने मतदानमा सामेल नभई तठस्थ रहेका थिए ।
अन्य पदहरुमा भने सर्वसम्मत भएको निर्वाचन समितिको भनाइ छ । वरिष्ठ उपाध्यक्षमा जनक नेपाल र उपाध्यक्षमा नवराज चालिसे निर्वाचित भएका छन् ।
महासचिवमा भने राेशन क्षेत्री गाउँले दोहोरिएका छन् । उनी नेपाल पत्रकार महासंघ भक्तपुरका सदस्य हुन् । सचिवमा प्रज्ञा तिम्सीना निर्वाचित हुुँदा काेषाध्यक्षमा सबिना बानियाँ निर्वाचित भइन् । बानियाँ पनि नेपाल पत्रकार महासंघ भक्तपुरकी सदस्य हुन् ।
अन्य सदस्यहरूमा कृष्णसिंह धामी, अमृता बुढाथाेकी, यम बम, हरिसुन्दर छुकां, राेजिना थापा कार्की, भागीरथी पण्डित र संजीप घिमिरे शुभचिन्तक निर्वाचित भएका छन् । सदस्यहरुमा छुकां नेपाल पत्रकार महासंघ भक्तपुरका कार्यसमिति सदस्य र शुभचिन्तक कार्यसमितिका सचिव हुन् ।
नवनिर्वाचित अध्यक्ष निर्जला कक्षपतिले सबैलाई मिलाएर अघि बढ्ने प्रतिवद्धता प्रकट गरेकी छन् भने निकटतम प्रतिस्पर्धी मल्लले चुनावी हारजीतले आगामी सक्रियतालाई असर नगर्ने प्रष्ट पारेका छन् ।
नयाँ कार्यसमितिले शिक्षा मुद्दामा प्रमाणमा आधारित विषयवस्तु उठान गर्ने र शिक्षा पत्रकारहरूकाे क्षमता विकास गर्दै गहन मुद्दाकाे पैरवी गर्ने पूर्व अध्यक्ष सुदर्शन सिग्देलले बिश्वास व्यक्त गरेका छन् । सो अवसरमा पूर्व अध्यक्षहरु रोश्ना सुब्बा, तुला अधिकारी, नारायण अमृत, हरि थापा लगायतको समेत सहभागिता रहेको थियो ।
