भक्तपुरपोस्ट संवाददाताभक्तपुर, ११ असोज २०८१
भक्तपुर, ११ असोज २०८१प्रधानमन्त्री केपी शर्मा ओलीले मित्र राष्ट्र पाकिस्तानका समकक्षी शहबाज शरिफसँग भेटवार्ता गरेका छन् ।
संयुक्त राष्ट्रसङ्घको ७९औँ महासभामा भाग लिन अमेरिकाको न्युयोर्कमा रहेका प्रधानमन्त्री ओलीले पाकिस्तानी प्रधानमन्त्री शहबाजसँग भेटवार्ता गरेका हुन् ।
भेटमा द्विपक्षीय र बहुपक्षीय सहयोग अभिवृद्धि गर्ने, व्यापार, लगानी, पर्यटन र सांस्कृतिक सम्बन्ध विस्तार गर्ने विषयमा छलफल भएको सामाजिक सञ्जालमार्फत सार्वजनिक गरिएको छ ।
राष्ट्रसङ्घको मुख्यालयमा भएकोे भेटमा प्रधानमन्त्री ओलीका मुख्य सल्लाहकार विष्णुप्रसाद रिमाल, राष्ट्रसङ्घका लागि नेपालको स्थायी नियोगका प्रतिनिधि लोकबहादुर थापालगायत सहभागी रहेका बताइएको छ ।
