श्रीलंकाको रिजनल युथ समिटमा भक्तपुरको मातृभूमि स्कूलका दुई विद्यार्थीले उत्कृष्ट प्रतिनिधित्व गरेका छन् । मातृभूमिका उपष्मा कायष्थ र राजवी रावतले नेपालका तर्फबाट उत्कृष्ट प्रतिनिधित्व गरेका हुन् ।

गत मंगलबाट शुरु सो समिटमा दक्षिण एसियाका ६ देशबाट ७८ जनाले सहभागिता जनाएका छन् । आफ्नो देशको कला र संस्कृतिको आदानप्रदान गर्ने कार्यक्रममा उपष्मा र राजवीले नेपालको मौलिकता र पहिचान झल्कने प्रस्तुती दिन सफल भएका थिए । त्यसका साथै उनीहरुले भक्तपुरको कला र संस्कृतीको प्रवर्द्धनसमेत गरेका छन् ।

उनीहरुले प्रस्तुत गरेको नेवारी गीत समिटका अन्य सहभागिले पनि निकै मन पराएका छन् । सचिका चिनामा उनीहरुको प्रस्तुती पछि धेरै सहभागीको स्वरमा सो गीत गुञ्जिएको छ ।

देशको प्रतिनिधित्व गर्न पाउँदा भक्तपुरका उपष्मा र राजवी पनि दंग छन् । समिटले आपसी सम्बन्ध र भाइचारा बढाउँन सहयोग पुर्याउने उनीहरुले बिश्वास व्यक्त गरेका छन् । त्यस्तै समिटमा सहभागि भएर आफूहरुको आत्मविश्वासमा वृद्धि भएको उनीहरुले बताएका छन् ।

समिटले सहभागीहरुको नेतृत्व विकास गर्ने आयोजकले जनाएको छ । त्यस्तैगरी कला संस्कृतीको आदान प्रदान र क्षेत्रीय सद्भाव अभिवृद्धि गर्नु पनि समिटको उदेश्य रहेको बताइएको छ ।

हेर्नुस् सचिका चिना

https://www.facebook.com/share/v/YeVUawH8CGhWH6aK/?mibextid=oFDknk