भक्तपुर, १२ असोज २०८१
भक्तपुर, १२ असोज २०८१नक्खु खोलाले बगाउँदा चार जना बेपत्ता भएका छन् । शनिबार बिहान करिब सवा ९ बजे ललितपुर महानगरपालिका वडा नम्बर १४ नखीपोटका चार जनालाई नख्खु खोलाले बगाएको छ ।
प्रहरीका अनुसार बाढीमा बेपत्ता भएकामा एक बालकसहित दुई पुरुष र एक महिला रहेका छन् ।
नदीको बीचमा रहेको टहरोमाथि लामो समयसम्म बसेर उद्धारको गुहार लगाएका उनीहरुको समयमा उद्धार नहुँदा नदीले बगाएको प्रत्यक्षदर्शीले बताएका छन् ।
टहरोमाथि बसेर गरेको गुहार न सरकारले सुन्यो न त उद्धारकर्ताले नै । अन्तत उनीहरुलाई बाढीले बगायो । अहिले उनीहरूको खोजी भइरहेको प्रहरीले जानकारी दिएको छ ।
अपडेट : स्थानीय पूर्ण केसीको नेतृत्वमा ३ जनालाई उद्धार गरी पाटन अस्पताल पुर्याउन सफलता प्राप्त भएको खबर छ ।
