भक्तपुर, २९ पुस २०८१सानोठिमी क्याम्पसका उप प्राध्यापक डा. माधवकुमार श्रेष्ठले क्याम्पस प्रमुखको जिम्मेवारी पाएका छन् । देशभर दुई दर्जन क्याम्पस प्रमुख नियुक्त हुँदा सानोठिमी क्याम्पसमा उनले क्याम्पस प्रमुखको जिम्मेवारी पाएका हुन् ।
आइतबार बसेको त्रिभुवन विश्वविद्यालय, कार्यकारी परिषद्को बैठकले सानाेठिमी क्याम्पसमा डा. श्रेष्ठलाई क्याम्पस प्रमुख नियुक्त गर्ने निर्णय गरेको प्रा उमेश लम्सालले जानकारी दिए । आइतबार परिषद बैठकले देशभरका २४ क्याम्पसमा क्याम्पस प्रमुख नियुक्त गरेको छ । यसै क्रममा मेरिटोक्रेसी(योग्यताक्रम)का आधारमा सानोठिमी क्याम्पसमा श्रेष्ठ नियुक्त भएका उनले बताए ।
क्याम्पस प्रमुख नियुक्त उप प्राध्यापक डा. माधवकुमार श्रेष्ठ त्रिवि स्वास्थ्य तथा शारीरिक शिक्षा विषय समितिका अध्यक्ष हुन् । रामेछाप स्थायी घर भएका उनी नेकपा (माओवादी केन्द्र) निकट राष्ट्रिय प्राध्यापक संगठनमा आवद्ध रहेका छन् । उप प्राध्यापक डा. श्रेष्ठ त्रिवि प्राध्यापक संघको सानोठिमी क्याम्पस इकाई सभापति समेत हुन् ।