News Portal

  • राष्ट्रिय बाल अधिकार सम्मान -२०७४ बाट बाल साहित्यकार विनय कुमार कसजु सम्मानित

    इभक्तपुर संवाददाताकाठमाडौँ, ११ फागुन
    १७५६ पटक
    काठमाडौँ, ११ फागुन

    बाल साहित्य र बालबालिकाको सूचनाको हकमा प्रणेताका रुपमा चिनिने विनय कुमार कसजु राष्ट्रिय बाल अधिकार सम्मान २०७४ बाट सम्मानित भएका छन् । शुक्रबार भएको एक कार्यक्रममा महिला, बालबालिका तथा समाज कल्याण मन्त्री थम माया थापाले उनलाई उक्त सम्मान प्रदान गरिन्।

    चाइल्ड नेपालको १३औँ वार्षिक साधारण सभा र सामाजिक लेखा परिक्षणको अवसरमा आयोजना गरेको कार्यक्रममा महिला, बालबालिका तथा समाज कल्याण मन्त्रीले कसजुलाई तेस्रो राष्ट्रिय बाल अधिकार सम्मान प्रदान गरिएको हो ।

    कार्यक्रममा बोल्दै मन्त्री थापाले बालमैत्री ऐन र कानुनहरुको निर्माण गर्न आफ्नो निरन्तर प्रयास रहने प्रतिवद्धता व्यक्त गरेकी थिइन् ।

    साथै मानव अधिकार रक्षक तथा चाइल्ड नेपालका अध्यक्ष कृष्ण सुवेदीले पनि कार्यक्रममा सबैलाई धन्यवाद दिँदै आगामी दिनहरुमा पनि बालअधिकार अभियानलाई थप प्रभावकारी बनाउने प्रतिवद्धता  व्यक्त गरे ।

    बाल अधिकारको क्षेत्रमा लामो समयसम्म काम गरेका व्यक्तिहरुलाई सम्मान गर्ने यो चलन सन् २०१४ बाट सुरु भएको हो । मानवअधिकार रक्षक तथा बालबालिकाको हक र अधिकार प्राप्तिका लागि निरन्तर काम गरिरहरेका गौरी प्रधानलाई पहिलो राष्ट्रिय बालअधिकार सम्मानबाट सम्मानित गरिएको थियो भने प्रारभिक बाल बिकासका प्रेणेताका रुपमा चिनिने अगाथा थापालाई दाेस्रो राष्ट्रिय बालअधिकार सम्मानले सम्मानित गरिएको चाइल्ड नेपालकी सोफिया अधिकारीले जानकारी गराएकी छन् ।

    कार्यक्रममा चाइल्ड नेपालका सचिव रत्न उप्रेतीले वर्षभरि गरेका गतिविधिहरुको विस्तृत विवरण प्रस्तुत गरेका थिए भने चाइल्ड नेपालका कोषाध्यक्ष बद्रि प्रसाद आचार्यले आर्थिक प्रतिवेदन प्रस्तुत गरे। साथै संस्थाले सम्बन्धित अधिकारीहरुबाट आवश्यक प्रतिकृयाहरु सङ्कलन गर्दै आउने वर्षको लागि आवश्यक रणनितीहरुको निर्माण पनि गर्ने भएको छ । कार्यक्रमको अन्त्यमा बाल अधिकार, लैङ्गिक समानता जस्ता विषयहरुलाई उठाँउदै एक नाटक पनि प्रस्तुत गरिएको थियो ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...