News Portal

  • अण्डा खाने सही तरिका के हो ? तारेर कि उसिनेर ?

    १९८५ पटक

    एजेन्सी । अण्डा स्वास्थ्यका लागि निकै फाइदाजनक हुन्छ । कोही यसलाई पकाएर खान रुचाउँछन् भने कसैलाई उसिनेको अण्डा खान मनपर्छ । कतिलाई भने अण्डा आधा पाकेको मनपर्छ । मानिसहरु सबैभन्दा पहिला स्वादलाई प्राथमिकता दिन्छन् । स्मरण रहोस्, पकाएको र उसिनेको अण्डाको फाइदा भिन्न छन् । प्रश्न यो छ कि अण्डालाई आफ्नो स्वाद अनुसार उसिनेर वा पकाएर खाइरहेका छन्, त्यसले स्वास्थ्यमा कस्तो प्रभाव पार्छ ? यो लेखमार्फत् अण्डा खाने सही तरिका के हो ? त्यसबारे जानकारी लिऔं । साथै यसमा लुकेका गुणबारे पनि थाहा पाऔं ।

    अण्डालाई किन भनिन्छ सुपरफुड ?
    अण्डालाई सुपरफुड भनिन्छ किनभने यो स्वस्थ पोषक तत्व र भिटामिनले भरिएको हुन्छ । यसभित्र प्रोटिन, बायोटिन, आइरन, स्याचुरेटेड फ्याट, भिटामिन बी सेभेन, भिटामिन एच, भिटामिन बी १२, जिङ्क, म्याग्नेसियम र क्यारोटिनोयड भरपुर मात्रामा पाइन्छ । उच्च कोलेस्ट्रोल र मुटु सम्बन्धि समस्यासँग जुधिरहेका मानिसहरुले भने अण्डा खान हुँदैन ।

    काँचो अण्डाको स्वास्थ्यमा प्रभावः
    केही मानिसहरु विशेषगरी मांसपेशी बढाउनका लागि काँचो अण्डाको सेवन गर्छन् । यद्यपि, यस्तो गर्नु गलत हो । अण्डा धेरैजसो साल्मोनेलाले दूषित हुन्छन् । यस्तोमा यसको काँचो सेवनले ब्याक्टेरिया खाद्य जनित रोगलाई शरीरमा पैदा गर्न सक्छ । तसर्थ डाक्टरले अण्डा पकाएर मात्रै खान सुझाउँछन् । अण्डा पकाएपछि प्रोटिन भरपुर मात्रामा पाउन सकिन्छ ।

    अण्डालाई पकाएर खाँदाः
    अण्डालाई धेरै मानिसहरुले पकाएर नै खान्छन् । अण्डालाई टोस्ट बनाएर खाने हो भने यो स्वास्थ्य र उच्च प्रोटिनयुक्त नास्ता हुन्छ । यसका लागि अण्डामा केही तरकारी, मसला र पनिरजस्ता खाद्य पदार्थ हालेर त्यसलाई राम्रोसँग मिक्स गरेर मध्यम आँचमा पकाउने । यो अण्डा पकाउने सबैभन्दा राम्रो विधि हो र निकै छिटो पनि यो बनाउन सकिन्छ । यदि तपाईंले यसलाई धेरै बेर पकाउनुहुन्नँ भने संवेदनशील पोषक तत्व निकै काम मात्रामा नष्ट हुनेछन् । तारेको अण्डालाई धेरै बेर पकाउँदा अण्डामा प्रोटिन र भिटामिन बी–१२ जस्ता थुप्रै पोषक तत्वको कमी हुनसक्छ ।

    अण्डा उसिनेर खाँदाः
    अण्डालाई धेरैबेर पकाउँदा यसमा पाइने धेरैजसो पोषक तत्वको नष्ट हुन्छ तर अण्डा धेरैबेर उसिन्दा भने त्यसबाट थोरै मात्रामा मात्रै पोषक तत्व नष्ट हुन्छ । अण्डा उसिन्दा त्यसको रानी (पहेँलो भागमा) एन्टिअक्सिडेन्टको मात्रा कम हुनसक्छ । जर्नल अफ एग्रिकल्चरल फूड केमेस्ट्रिमा प्रकाशित एक अध्ययन अनुसार अण्डा उसिन्दा त्यसको रानीमा एन्टीअक्सिडेन्ट सामग्रीमा २२.५ प्रतिशतको कमी आउन सक्छ । धेरै बेर उमालिएको अण्डाको तुलनामा थोरै बेर उमालिएको अण्डामा धेरै पोषक तत्व पाइन्छ ।

    तसर्थ, तारेर बनाएको अण्डा मिठो लाग्छ भने मध्यम आँचमा धेरैबेर नपकाइकन खानुपर्छ र यदि उसिनेको अण्डा रुचाउनुहुन्छ भने पनि लामो समयसम्म नउमाल्नुहोस् ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...