भक्तपुर पोष्ट संवाददाता भक्तपुर, १८ मंसिर २०८१
भक्तपुर, १८ मंसिर २०८१दक्षिण कोरियामा सैन्य शासन घोषणा गरिएको छ । राष्ट्रपति यून सुक यउलले देशमा मार्शल ल (संकटका बेला गरिने सैन्य शासन) को घोषणा गरेका छन्।
राष्ट्रपतिको पिपुल पावर पार्टी र प्रमुख प्रतिपक्षी दल डेमोक्र्याटिक पार्टीबीच आगामी वर्षको बजेटमा सहमती जुट्न नसकीरहेको अवस्थामा अकस्मात यस्तो घोषणा गरिएको हो । पूर्व संकेत बिनै राष्ट्रपतिले मार्शल लको घोषणा गरेपछि सत्तारूढ र विपक्षी दुवै पार्टीले उक्त घोषणाको विरोध गर्दै प्रतोरोध गर्ने बताएका छन्।
विपक्षी दल डेमोक्र्याटिक पार्टीका नेता ली जे–म्युङले उक्त घोषणालाई “असंवैधानिक” भनेका छन्।
राष्ट्रपति यउलको पार्टीका प्रमुख हान डोङ–हुनले पनि उक्त घोषणालाई “गलत” भनेका छन्।
मार्शल ल उल्लंघन गर्नेलाई सुरक्षाकर्मीले पक्राउ पुर्जि बिनै नियन्त्रणमा लिन सक्नेछन् ।