भक्तपुर, २७ कार्तिक २०८१छिमेकी राष्ट्र चीनमा कारको ठक्करबाट ३५ जनाको ज्यान गएको छ । चीनको झुहाईस्थित जुखाई स्पोर्ट्स सेन्टरमा कसरत गरिरहेका मानिसहरूको भीडलाई कारले ठक्कर दिँदा सोमबार सो हताहती भएको हो ।
दुर्घटनामा ४३ जना घाइते भएका छन्। एक ६२ वर्षीय चालकले मानिसहरूको भीडमा कार कुदाउँदा दुर्घटना भएको चिनिया सञ्चारमाध्यमहरूले जनाएका छन्।
प्रत्यक्षदर्शीले तीव्र गतिमा आएको कार अचानक भिडमा जोतिएको र धेरै जनालाई लडाएको बताए ।
कार चलाउने ती पुरुष हालै भएको सम्बन्धविच्छेदको घटनामा सम्पत्ति बाँड्न परेकोमा दुःखी रहेका प्रहरीको प्रारम्भिक अनुसन्धानमा देखिएको प्रहरीलाई उद्घृत गार्डे बिबिसीले बताएको छ । कार चालक हाल कोमामा रहेकाले अनुसन्धान जटिल बनेको छ ।
चिनियाँ राष्ट्रपति सी जिन्पिङले घटनाबारे गम्भीर चासो व्यक्त गर्दै दोषीलाई कडा कारवाही गर्न र घाइतेहरूको उपचारमा कुनै कसर बाँकी नराख्न निर्देशन दिएका छन् ।