News Portal

  • चर्चित गितारवादक एडी भान ह्यालेनको ६५ वर्षमा निधन

    ३९४ पटक

    एजेन्सी । चर्चित रक गु्रप भान हलेनका विख्यात लिड गितारिस्ट एडी भान ह्यालेनको निधन भएको छ । उनका छोराले सोसल मिडिया पोस्टमार्फत् यसबारे जानकारी दिएका हुन् । उनी ६५ वर्षका थिए ।

    ‘उहाँ संसारकै उत्कृष्ट बुवा हुनुहुन्थ्यो,’ उनका छोराले वुल्फ भान हलेनले ट्वीटरमा लेखे । ‘उहाँसँग स्टेज भित्र र बाहिर जति पनि समय बिताएँ, ती मेरा लागि उपहार थिए ।’

    एडी र भ्यालेरी बेर्टिनेलीका छोरा वुल्स भान ह्यालेनले उनको बुवाको क्यान्सरसँगको लामो संघर्ष पछि मंगलबार बिहान निधन भएको बताए । भान ह्यालेनले सन् २००९ मा नायिका जेनी लिस्जेवेस्कीसँग विवाह गरे ।

    ‘म पूर्ण रुपमा विक्षिप्त छु र मेरा लागि यो अपूरणीय क्षती हो,’ उनले भने ।

    ह्यालेनकी जेठी श्रीमती बेर्टिनेलीले ४० वर्ष अघि गितारिस्टलाई भेट्दा उनको जीवन फेरिएको बताएकी छिन् ।

    ‘तिमीले मेरो जीवनमा वास्तविक प्रकाश ल्याइदियौं, हाम्रो छोरा, वुल्फग्याङ्ग,’ नायिकाले लेखिन् । ‘फोक्सोको क्यान्सरका लागि गर्नुपर्ने ती तमाम चुनौतीपूर्ण उपचारपश्चात् पनि तिमीले आफ्नो इच्छाशक्ति खुम्चिन दिइनौ, त्यो मुस्कानलाई कहिल्यै आफूबाट ओझेल हुन दिइनौ ।’

    ‘तिम्रो जीवनको अन्तिम समयमा वुल्फी र मैले तिमीसँग समय बिताउन पायौं, त्यसमा म धन्य छु । म तिमीलाई जीवनको अर्काे चरणमा भेट्नेछु, मेरो प्यारा ।’

    एड्वार्ड लोडेविज्क भान ह्यालेन पूरा नाम भएका एडी भान ह्यालेन र उनका भाइ एलेक्स भान ह्यालेनले किशोरावस्थादेखि नै सँगै आफ्नो प्रस्तुती दिन थालेका थिए । यी दुईले डेविड ली रोथलाई भेटेपछि भान ह्यालेन नामको समूह बनाए ।

    चार दशकको यात्रामा भान ह्यालेनले दर्जन बढी एल्बम निकाले ।

    प्रतिकृया दिनुहोस्

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार

    banijya bank kamalbinayak

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार भएको छ । मंगलबार एक कार्यक्रमकाबीच उक्त शाखाको...

    नेपाली कांग्रेस भक्तपुरको सभापतिमा दुर्लभ थापा प्यानलसहित दोहोरिए

    नेपाली कांग्रेसको १४ औं महाधिवेशन अन्तर्गत भक्तपुरमा भएको जिल्ला अधिवेशनबाट दुर्लभ थापाको नेतृत्वमा नयाँ कार्यसमिति...

    एमाले महाधिवेशनमा सहमति जुटेन, नेतृत्वका लागि निर्वाचन तालिका सार्वजनिक

    सौराहा, १२ मंसिर । केन्द्रीय निर्वाचन आयोगले नेकपा एमालेको दसौँ राष्ट्रिय महाधिवेशनका लागि निर्वाचनको कार्यक्रमको...

    भक्तपुरबाट कांग्रेसको पहिलो मन्त्री दिलाउन सफल सभापति थापा पुन: दोहोरिने दावी,सोमबार चुनाव

    पार्टीको आन्तरिक प्रतिस्पर्धामा पोख्त नेपाली कांग्रेसको अधिवेशनले भक्तपुरमा चुनावी माहौल सृजना गरेको छ । नेपाली...

    भक्तपुरमा माओवादी केन्द्रको नगर सम्मेलन सम्पन्न

    भक्तपुर नगरपालिकामा नेकपा (माओवादी केन्द्र)को दोश्रो सम्मेलन सम्पन्न भएको छ । शनिवार सल्लघारीमा सम्मेलन सम्पन्न...