News Portal

  • जिल्ला खेलकुद विकास समिति भक्तपुरको अध्यक्षमा थापा नियुक्त

    भक्तपुरपोस्ट संवाददाता भक्तपुर, २९ चैत २०७८
    ६४४ पटक
    भक्तपुर, २९ चैत २०७८

    भक्तपुर जिल्लाको खेलकुद विकास समितिले नयाँ नेतृत्व पाएको छ । जिल्ला खेलकुद विकास समिति भक्तपुरको अध्यक्षमा कटुन्जे निवासी दीपक थापा नियुक्त भएका छन् ।

    भलिवल खेलाडी समेत रहेका थापा सत्ता गठबन्धन दल नेकपा(एकीकृत समाजवादी) का भक्तपुर जिल्ला कमिटी सचिवालय सदस्य एवं युवा संघ नेपालका केन्द्रीय नेता हुन् ।

    बागमती प्रदेश सरकार मातहत रहेको जिल्ला खेलकुद विकास समिति भक्तपुरको अध्यक्ष पदमा थापालाई बागमती प्रदेश युवा तथा खेलकुद मन्त्री रत्नप्रसाद ढकालको निर्णयमा प्रदेश खेलकुद विकास परिषदले नियुक्त गरेको हो । राजनीतिक नियुक्ति भए पनि अध्यक्ष पदमा खेल क्षेत्रमा योगदान गरेको खेलाडी, रेफ्री वा विज्ञ हुनुपर्ने नियम बनाइएको छ । युवा तथा खेलकुद मन्त्री ढकाल नेकपा(माओवादी केन्द्र)का नेता भएता पनि सत्ता गठबन्धनका कारण भक्तपुर अध्यक्ष एकीकृत समाजवादीको पोल्टामा परेको माओवादी केन्द्रका भक्तपुर संयोजक एवं जिल्ला खेलकुद विकास समिति भक्तपुरका पूर्व अध्यक्ष सुनिल बासुले बताए । उक्त पदमा माओवादी केन्द्रका कसैले दावी गरेका थिएनन ।

    निवर्तमान अध्यक्ष श्रीभक्त कासिछवाको कार्यकाल सकिएपछि रिक्त  सो पदमा थापा नियुक्त भएका हुन् । नवनियुक्त अध्यक्ष थापाको कार्यकाल नियमानुसार २ वर्षको हुनेछ । खेल क्षेत्रको विकासमा आफ्नो कार्यकाल अविस्मरणीय बनाउने उनले दावी गरेका छन् ।

    जिल्ला खेलकुद विकास समितिको मूख्य कार्य जिल्लामा खेलकुद प्रतियोगिताहरु आयोजना गर्ने, प्रदेशस्तरीय र राष्ट्रियस्तरमा हुने प्रतियोगितामा खेलाडीहरु सहभागी गराउने , जिल्लामा खेलकुदको पूर्वाधार र खेल सामाग्रीको पर्याप्तता सुनिश्चित गर्ने,स्थानीय तह तथा संघसस्था संग समन्वय गर्ने, वार्षिक कार्यक्रम बनाइ परिषदबाट पास गराउने लगायत रहेका छन् ।

    प्रतिकृया दिनुहोस्

    माओवादी केन्द्रका केन्द्रीय सदस्य एवं भक्तपुरका नेता ढकालले दिए पार्टीलाई ६ बुँदे सुझाव

    नेकपा (माओवादी केन्द्र) का केन्द्रीय सदस्य रहेका भक्तपुरका युवा नेता डिपी ढकालले पार्टी लाई ६...

    विश्वविद्यालयको पठनपाठनमा अवरोध हुने गतिविधि राम्रो होइनः शिक्षामन्त्री पौडेल

    शिक्षा, विज्ञान तथा प्रविधिमन्त्री देवेन्द्र पौडेलले विश्वविद्यालयहरूमा तालाबन्दी लगाउने काम हुन नदिन सरकार सचेत रहेको...

    भारतीय दूतावासका भारतीय सुरक्षा गार्डद्धारा आफैँलाई गोली हानी आत्महत्या

    काठमाडौँको लैनचौरस्थित भारतीय दूतावासमा कार्यरत भारतीय सुरक्षा गार्डले ड्युटी समयमै आफैँलाई गोली हानी आत्महत्या गरेका...

    एसपीपीमा संलग्न भएको प्रमाण देखाउन ओलीको माग

    नेकपा एमालेका अध्यक्ष केपी शर्मा ओलीले एसपीपीमा सहभागि हुने विषयमा सुशील कोइराला नेतृत्वकै सरकारले एसपीपीमा...

    इनफ इज इनफः केपी ओली

    नेकपा एमालेका अध्यक्ष केपी शर्मा ओलीले सत्तारूढ दलका नेताहरूलाई अमेरिकासँग भएको स्टेट पार्टनरशिप प्रोग्राम (एसपीपी)...