बिप्लव नेतृत्वको नेकपा निकट अनेरास्ववियु (क्रान्तिकारी)ले प्रधानमन्त्री शेरबहादुर देउवा, एमाले अध्यक्ष केपी शर्मा ओली र माओवादी केन्द्रका अध्यक्ष प्रचण्डलाई जनअदालतमा मुद्दा हाल्ने बताएका छन् । शुक्रबार संवाद डबलीमा आयोजित पत्रकार सम्मेलनमा बोल्दै क्रान्तिकारीका अध्यक्ष पूर्ण बहादुर सिंहले मुद्दा हाल्ने उद्घोष गरेका हुन् ।

“यो देशमा दुईओटा सत्ता छन्, दुईओटा अदालत छन्, शैक्षिक माफिया र उनीहरुको संरक्षण गर्ने प्रधानमन्त्री शेरबहादुर देउवा, एमाले अध्यक्ष केपी शर्मा ओली, माके अध्यक्ष प्रचण्डलगायतलाई जनअदालतमा मुद्दा हाल्छौं” सिंहले भने । उनले चुनाव हुँदैमा संक्रमणकालको अन्त्य नहुने भन्दै नयाँ संक्रमणकालको शुरुवात भएको जिकिर गरे ।

अध्यक्ष सिंहले सिमा सुरक्षाकाे लागि आफूहरु जनमुक्ति सेनामा भर्ति भएर सिमाकाे रक्षा गर्ने पनि बताएका छन । भारतले हस्तक्षेप गर्ने गरेको सीमा स्तम्भमा जाने र आवश्यक परे गोली थाप्ने उनले दावी । पत्रकार सम्मेलनमा उक्त संगठनका महासचिव दिपेन्द्र चलाउनेले जनयुद्ध दिवसको अवसर पारेर फागुनबाट नै सीमा खोज्ने अभियान चलाउने भन्दै मेचीदेखि महाकाली, हिमालदेखि तराईका सीमासम्म पुग्ने क्रान्तिकारीको योजना रहेकोसमेत खुलासा गरे ।