घर्तिले दश वर्षे जनयुद्ध क्रान्तिकारीहरुको बिजयको कथा भएको र यसको योगदान भूल्न नहुनेमा जोड दिदै भनिन्,“हजारौं योद्धाहरुले गरेको बलिदानले यो अवस्था आएको छ, प्रदिपजी जस्तै बाँचेका योद्धाले भावि पुस्ताको लागि कलम चलाई राख्नु पर्छ ।”
कृति र कृतित्व बारे प्रकाश पार्दै बालाचनका सहयोद्धा, प्रगतिशील लेखक एवम नेकपाका युवा नेता सरल सहयात्रीले वालाचनको रचना जनयुद्धमा भएका वास्तविक घटनाको ऐना जस्तै भएको दावी गरे । “प्रदिप कमरेड एक ज्युदो सहिद हो, उहाँको कृतिले क्रान्तिको बाकी कार्यभार पुरा गर्न ब्युँझाइरहने छ।” सहयात्रीले भने ।
त्यस्तै साहित्यकार तथा अर्का क्रान्तिकारी युवा नेता बलराम तिमल्सिनाले लेखकको पुस्तक युवा पिँडिलाई उपयोगि हुने भन्दै बिगत्लाइ बलियो बनाउन र नेतालाइ झकझकाउन यस्ता कृती अझ आउनुपर्ने बताए ।
