नगर कुरा इतिहासका
इतिहास हामीले नै लेखेको हो ।
खोज तिमी हर एक पन्ना
ती सबै शब्द हाम्रै रगतले कोरिएको हो ।
तिमी भन्छौ जातिले के दियो ?
पहिले आफूलाई सोधी हेर ।
तिमीले जातिलाई के दिएका छौ
जातिको लागि तिमी कहाँ लडेका छौ ?
पुर्खादेखि लडिआएका छन
प्रतिष्ठा भाषा संस्कृतिको लिनलाई ।
अझैँ पनि लडी नै रहेका छन
स्वदेशी नै हौँ भनि परिचय दिनलाई ।
हामी वीरको सन्तान हौं
कसैको अगाडि झुक्दैनौ ।
गर तिमी जातिको आलोचना
हामी तै पनि पछि हटदैनौ ।
हामीलाई घृणाको नजरले हेर्ने
हामीलाई विदेशी भन्नेहरु हो,
एकदिन फेरी सुनौलो अक्षरले
नयाँ इतिहास कोरिने छ ।
जातिको लागि रगत बगाउने
जातिको लागि ज्यान दिने मान्छे
हाम्रो समाजमा कमी छैन
केवल सहि समयको प्रतीक्षा हो ।
पर्यो भने बरू ज्यान दिन्छन्
तर कदापि पछि हट्दैनन्
वीर पूर्खाको रगत छ नशामा
कायर बनेर सहेर बस्दैनन् ।
हाल : गुवाहिटी, भारत