भक्तपुर, ३ चैतभक्तपुर नगरब्यापी विद्यालयस्तरीय ब्याडमिन्टन प्रतियोगितामा सिनियर छात्रतर्फ गोल्डेन गेट स्कुलका समिर याकामी प्रथम, पद्म माविका युनिस तिमिल्सना द्वितीय र प्रभात माविका डिभिशविक्रम शाह र प्रभात इङ्गलिस स्कूलका यमन सुवालले तृतीय स्थान हासिल गरेका छन् ।
त्यस्तै गरी जुनियर छात्रतर्फ सिबिक ज्याख्व (बागीश्वरी) प्रथम, रोजन गोरा (सामुदायिक मावि) द्वितीय, रोहित शिल्पकार (हिमालयन ग्लोरी) र रोश तमखु (क्रियटिभ इङ्गलिस स्कूल) ले तृतीय स्थान हासिल गरेका छन् ।
ब्याडमिन्टन प्रतियोगिता सिनियर छात्रातर्फ प्रिति देशेमरु (हिमालयन ग्लोरी) प्रथम, प्रसिद्धि आगन्जा (बासु मावि) द्वितीय, सबिरा बुद्धाचार्य (द राइजिङ स्कूलं) र निकिता कोजु (प्रभात इङ्गलिस स्कूल) तृतीय भए ।
यसैगरी छात्रा जुनियरतर्फ हिमालयन ग्लोरीका रुसा जति प्रथम, बागीश्वरी माविका सेफिना लागे द्वितीय, प्रभात स्कूलका रन्जु सुलु र द राइजिङका रन्जु तामाङले तृतीय स्थान हासिल गर्न सफल भएका छन् ।
मंगलबार सम्पन्न भक्तपुर नगरब्यापी विद्यालयस्तरीय ब्याडमिन्टन प्रतियोगिताका बिजेताहरुलाई भक्तपुर नगरपालिकाका प्रमुख सुनिल प्रजापतिले समापन समारोहका बीच प्रमाणपत्र र मेडल वितरण गरे ।कार्यक्रममा नगर प्रमुख प्रजापतिले खेलकुदको माध्यमबाट भविष्यको निम्ति राष्ट्रिय÷अन्तर्राष्ट्रिय क्षेत्रमा प्रतिस्पर्धा गर्न सक्षम खेलाडीहरु उत्पादन गर्ने उद्देश्यका साथ प्रतियोगिताको आयोजना भएको भनेका थिए । उक्त अवसरमा प्रमुख प्रशासकीय अधिकृत रामलाल श्रेष्ठ र भक्तपुर नपा वडा नं. ८ का वडाध्यक्ष महेन्द्र खायमली लगायतले खेलकुदको महत्व माथि प्रकाश पारेका थिए ।