भक्तपुरपोस्ट संवाददाता भक्तपुर, ९ कात्तिक २०७८
भक्तपुर, ९ कात्तिक २०७८एन्फाको आयोजनामा काठमाडौंमा सुरु भएको ‘उपमेयर कप’ महिला फुटबल प्रतियोगितामा भक्तपुर नगरपालिकाले स्याङ्जाको पुतलीबजार नगरपालिकालाई पराजित गरेको छ । मंगलवार भएको खेलमा १ का विरुद्ध ८ गोल गरी भक्तपुरले जीत हासिल गरेको हो ।
उक्त खेलमा भक्तपुर नगरपालिकाका खेलाडीहरु मनिषा बास्कोटाले २ गोल, सिम्रन बस्नेतले २ गोल, करुणा परियारले ३ गोल र अञ्जली मचामसीले १ गोल गरेर जीत हासिल गराएका हुन् । खेलको सर्वोत्कृष्ट खेलाडी भने अन्जली मचामसी घोषित भएकी थिइन् ।
बिजय प्राप्त गरेपछि भक्तपुरका अफिसियल र खेलाडी दंग देखिएका छन् । खेलकुद समितिका संयोजक एवम् वडा नं. १ का वडाध्यक्ष श्यामकृष्ण खत्रीले आयोजक एन्फालाई नगरपालिकाको तर्फबाट मयुरको झ्याल मायाको चिनोको रुपमा प्रदान गरेका थिए ।