भक्तपुरपोष्ट संवाददाताभक्तपुर,१६ साउन २०७९
भक्तपुर,१६ साउन २०७९भारतको पश्चिम बङ्गालमा पिकअप भ्यानमा करेन्ट लाग्दा १० जनाको मृत्यु भएको छ भने १६ जना घाइते भएका छन् ।
पश्चिम बङ्गालको कुचबिहार जिल्लादेखि पिकअप भ्यानमार्फत जलपाइगुडी जिल्लाको जल्पेश मन्दिरमा जल चढाउन गइरहेका १० जनाको करेन्ट लागेर मृत्यु भएको हो। करेन्ट लागेर अचेत सबैलाई उद्धार गरेर चेंगाबान्धा अस्पताल पुर्याइएको थियो । त्यसमध्ये १० जनालाई प्रहरीले मृत घोषणा गरेको भारतीय सञ्चारमाध्यमले जनाएका छन्।
घटनाबारे अनुसन्धान थालेको प्रहरीले पिकअप भ्यानमा राखिएको जेनेरेटर सर्ट भएर दुर्घटना भएको हुनसक्ने प्रहरी अनुमान छ । घटनापछि प्रहरीले गाडी नियन्त्रणमा लिएको छ भने चालक भने फरार छन्।