नेमकिपाका प्रतिनिधि सभा सदस्य उम्मेदवार प्रेम सुवालले मतदान सम्पन्न गरेका छन् । क्षेत्र नम्बर १ का उम्मेदवार सुवालले भक्तपुर-६ स्थित ख्वप: कजेज मतदान केन्द्रबाट मतदान सम्पन्न गरेका हुन् ।                                                                     निवर्तमान प्रतिनिधि सभा सदस्य समेत रहेका उम्मेदवार सुवालले मतदाताको उत्साहपूर्वक मतदान गरिरहेको बताउदै देश र जनताको पक्षमा निरन्तर आवज उठाइरहने नेमकिपाप्रति मतदाताको अझ आकर्षक बढेको बताए । मतदान केन्द्रहरुको निरीक्षण गर्दै रहेका उनले भक्तपुर-३ स्थित मेधा माविको सुरक्षाकर्मीको ब्यवहार प्रती भने असन्तुष्टि ब्यक्त गरेका छन् । उनले मतदाता र उम्मेदवारलाई सहयोगी व्यवहार गर्न प्रहरीलाई सुझाव दिए । नेमकिपाका प्रदेश सभा सदस्य उम्मेदवार सुरेन्द्रराज गोसाइँले समेत लिवालीस्थित इन्जिनियरिङ कलेजबाट मतदान सम्पन्न गरेका छन् ।