भक्तपुर क्षेत्र नं १ को प्रदेश सभा १ मा लोकतान्त्रिक बाम गठबन्धनका साझा उम्मेदवार रहेका नेपाली कांग्रेसका सुरेश श्रेष्ठ निर्वाचित भएका छन् । १ हजार २ सय २२ मतान्तरले उनले बिजय हासिल गरेका हुन् । प्रतिनिधि सभामा २ र प्रदेश सभामा ४ क्षेत्र रहेको भक्तपुरमा श्रेष्ठले पहिलो जीत दर्ज गराएका छन् ।

९ हजार ४ सय २३ मत प्राप्त गरी उनी निर्वाचित भएका मूख्य निर्वाचन अधिकृतको कार्यालयले जनाएको छ । उनका निकट्तम प्रतिष्पर्धी नेकपा एमालेका मोहनवीर श्रेष्ठले ८ हजार २ सय १ मत प्राप्त गरेका मुख्य निर्वाचन अधिकृत गोपालप्रसाद बास्तोलाले बताए ।

यस प्रदेशमा नेपाल मजदुर किसान पार्टीका मिनबहादुर बाटाले ८०१४ र राप्रपाका राजु कुइँकेलले ५ हजार ९ सय ४५ मत प्राप्त गरेको मुख्य निर्वाचन अधिकृत बास्तोलाले बताएका छन् ।