News Portal

  • रग्बी प्रतियोगिताको फाइनलमा पुग्यो भक्तपुर : मकवानपुरसंग भिड्ने

    भक्तपुरपोस्ट संवाददाता भक्तपुर, १२ जेठ २०८०
    ९४५ पटक
    ragbi bhaktapurभक्तपुर, १२ जेठ २०८०

    मकवानपुरको हेटौँडामा जारी बागमती प्रदेश स्तरीय खेलकुद प्रतियोगिता अन्तर्गत रग्बी प्रतियोगितामा भक्तपुरको टिम फाइनलमा पुगेको छ । शुक्रवार सम्पन्न सेमिफाइनलमा काभ्रेलाई छ ट्राइले पराजित गर्दै भक्तपुर फ़ाइनलमा पुगेको हो ।

    शनिवार बिहान ११ बजे रग्वी प्रतियोगिताको फाइनल खेल हुने र आफ्नो टिम फाइनलमा मकवानपुरसंग भिड्ने जिल्ला रग्वी संघ भक्तपुरका अध्यक्ष दिपेश लामिछानेले जानकारी दिए । सीमित साधन श्रोतका बाबजुद भक्तपुरको टोलीले उत्कृष्ट प्रदर्शन गरेकोप्रति सन्तोष व्यक्त गर्दै अध्यक्ष लामिछानेले आफ्नो टोलीले फाइनल पनि जित्ने बिश्वास व्यक्त गरेका छन् ।

    जिल्ला अध्यक्ष दिपेश लामिछाने व्यवस्थापक रहेका रग्वी खेलाडीको क्याप्टेनमा निरज कार्की रहेका छन् भने कृष्ण क्षेत्री प्रमुख प्रशिक्षक रहेका छन् ।

    सचिब निराकार भारती, कोषाध्यक्ष सुष्मा कार्की र सदस्य बिनोद लामिछाने समेत टोलीको मनोबल बढाउँन हेटौडामै रहेका छन् । खेलाडीलाई हौसला प्रदान गर्न जिल्ला खेलकुद बिकास समितिका अध्यक्ष दिपक थापा पनि हेटौडा पुगेका छन् । खेलाडीलाई प्रोत्साहित गर्न मुख्यमन्त्रीका प्रमुख राजनीतिक सल्लाहकार एवं भक्तपुरका युवा नेता डिपी ढकाल खेलस्थलमा रहने गरेका समेत व्यवस्थापक लामिछानेले बताए ।

    बागमती प्रदेश सरकारको प्रदेश खेलकुद विकास परिषद्को आयोजनामा भैरहेको बागमती प्रदेश स्तरीय खेलकुद प्रतियोगिताको दोश्रो सस्करण मुख्यमन्त्री शालिकराम जम्कट्टेलले उद्घाटन गरेका थिए ।

    प्रतियोगितामा १३ खेल समावेश गरिएका छन्। उसु, जुडो र पौडी खेल काठमाडौँ तथा ललितपुरमा खेलाइएको छ । यस्तै, क्रिकेट चितवनमा त्यसैगरी फुटबल, भलिबल, एथलेटिक्स, तेक्वान्दो, कराते, बक्सिङ, ब्याडमिन्टन, आइटिएफ तेक्वान्दो र रग्बी हेटौँडाका विभिन्न खेल मैदानमा खेलाइएका छन्।

    प्रतियोगितामा १ हजार ७५ महिला र १ हजार ४ सय २७ पुरुष खेलाडी सहभागी छन्। यस्तै, १ सय ७३ प्रशिक्षक, १ सय ४२ व्यवस्थापक, २ सय ७६ निर्णायक लगायत सहभागी भएका आयोजकको भनाइ छ ।

    अपडेट : शनिवार सम्पन्न फ़ाइनल खेलमा मकवानपुर लाई पराजित गर्दै भक्तपुर उपाधी चुम्न सफल भएको छ ।

    प्रतिकृया दिनुहोस्

    हनुमन्ते खोलामा सेनाका हवल्दारको शव फेला

    भक्तपुर । भक्तपुर-१, सल्लाघारी स्थित हनुमन्ते खोलामा शव फेला परेको छ । दिउँसो करिब साढे...

    भक्तपुर आए आधा दर्जन सहसचिव

    भक्तपुर । नेपाल प्रशासनिक प्रशिक्षण प्रतिष्ठानका प्रशिक्षार्थी रहेका निजामती सेवाका सहसचिवहरुले भक्तपुर नगरपालिकाको अध्ययन भ्रमण...

    बनेपाको अग्नी सहकारी पीडितलाई उजुरी गर्न एक हप्ताको समय

    काभ्रेपलाञ्चोक । काभ्रेपलाञ्चोकको बनेपा नगरपालिका–८ सिनागालमा अवस्थित ‘अग्नी बचत तथा ऋण सहकारी संस्था लिमिटेड’सँग सम्बन्धित...

    इप्सन भक्तपुरको वादविवादमा यी भए अगाडि

    भक्तपुर । शिक्षा अब केवल परीक्षाको अङ्कमा मात्र सीमित रहेन, तर्क, विचार र अभिव्यक्तिको पनि...

    ललितपुरमा राधा–लक्ष्मण क्रियाशील पत्रकारिता पुरस्कार स्थापना

    ललितपुर, २२ साउन २०८२ । नेपाल पत्रकार महासंघ, जिल्ला शाखा ललितपुरले पत्रकारितामा सक्रिय योगदान पुर्‍याउने...