भक्तपुर, ९ असार २०८० नेपाल केन्पो खुकुरी मार्शल आर्टस संघको बागमती प्रदेश अध्यक्षमा संगम लामा निर्वाचित भएका छन् । भक्तपुरमा शनिवार सम्पन्न तेस्रो भेलाबाट लामाको अध्यक्षतामा नयाँ कार्यसमिति निर्वाचित भएको हो ।
नवनिर्वाचित कार्यसमिति २१ सदस्यीय रहेको छ । सिंगो कार्यसमिति नै सर्वसम्मत निर्वाचित भएको अध्यक्ष लामाले जानकारी गराएका छन् ।
समितिको उपाध्यक्षमा केशव कवां र नविनबज्र लामा, सचिवमा तीर्थरत्न राजचल र कोषाध्यक्षमा कल्पना विश्वकर्मा सर्वसम्मत भएका छन् । त्यसैगरी सदस्यहरुमा विज्वेल सुवाल, राम शिवाकोटी, रामकाजी श्रेष्ठ, निर्मला तामांग, पुष्पराज भटराई, नगेन्द्र महर्जन, नीरा मानन्धर र राजाराम बासी चुनिएका छन् । बाँंकी सात जना सदस्य पछि मनोनित गरिने बताइएको छ ।
भेलाको उद्घाटन बागमती प्रदेश सरकारकी सामाजिक विकासमन्त्री कुमारी मोक्तानले गरेकी थिइन् । उक्त अवसरमा मन्त्री मोक्तानले खेलकुद क्षेत्रको बिकासामा आफूले कुनै कसर बाँकी नराख्ने बताइन ।
कार्यक्रममा नेपाल केन्पो खुकुरी मार्शल आर्टस संघका केन्द्रीय अध्यक्ष पूर्णप्रसाद पाण्डे, वरिष्ठ उपाध्यक्ष कुमार कार्की, केद्रीय सदस्य राजकुमार लघूलगायतले संघका बिबिध गतिविधि र भावी योजनाबारे जानकारी गराएका थिए ।
संघका निवर्तमान अध्यक्ष उमा थपलियाको सभापतित्वमा सम्पन्न भेलामा प्रदेश भित्रका जिल्लाबाट प्रतिनिधिहरु सहभागी रहेका थिए ।