भक्तपुर, ६ भदौ २०८०भारतले चन्द्रमामा पठाएको अन्तरिक्ष यान सफलतापुर्वक अवतरण भएको छ । बुधबार साँझ भारतीय समय अनुसार ६ बजेर ३ मिनेटमा उक्त यान चन्द्रमामा अवतरण गर्न सफल भएको हो ।
भारतले ‘चन्द्रयान ३ ‘ लाई चन्द्रमामा पठाएको थियो । इण्डियन रिसर्च स्पेस अर्गनाइजेसन (इसरो)ले अवतरण गर्दैगर्दा फेसबुक, युट्युब र अफ्नो वेबसाइट मार्फत प्रत्यक्ष प्रसारण गरेको थियो।
सो यान चन्द्रमाको दक्षिणी भूभागमा सकुशल पुग्ने पहिलो यान समेत भएको छ । हालसम्म कुनै पनि देशको यान चन्द्रमाको दक्षिणी भूभागमा गएको छैन । हालसम्म सोभियत युनियन , अमेरिका र चीनले चन्द्रमामा आफ्नो यान पुर्याएका छन् । त्यसामा आफ्नो देशको नाम दर्ज गर्दै भारत चन्द्रमाको दक्षिणी भूभागमा यान ल्याण्ड गराउने विश्वकै पहिलो देश बन्न पुगेको छ ।
रुसले पनि चन्द्रमाको दक्षिणी भूभागमा ल्याण्ड गराउने गरि गत अगस्त ११ मा लुना २५ नामको यान पठाएको थियो । तर सो यान सतहमा ठोक्किएर दुर्घटनाग्रस्त भएको थियो ।