फाइनलमा नेपाललाई पराजित गर्दै बंगलादेशले साफ महिला च्याम्पियनसिप–२०२४ को उपाधि हात पारेको छ । बंगलादेश लगातार दोस्रो पटक बिजेता बनेको हो ।

त्रिपुरेश्वरस्थित दशरथ रंगशालामा बुधबार सम्पन्न खेलमा घरेलु दर्शकलाई निराश पार्दै नेपाल उपविजेतामै चित्त बुझाउन बाध्य भएको छ । बंगलादेशलाई जित दिलाउन मोनिका चक्मा र रितु पोर्नाले १-१ गोल गरे । नेपालकी अमिशा कार्कीले १ गोल फर्काए पनि नेपालको १ का बिरुद्ध २ गोलले हार व्यहोर्न बाध्य भयो ।

खेलको ५२औं मिनेटमा मोनिका चक्माले गोल गर्दै बंगलादेशलाई अग्रता दिलाइन । तर, नेपालकी अमिषा कार्कीले त्यसको ४ मिनेटमै गोल फर्काएर बराबरी बनाइन ।

८१औं मिनेटमा रितु पोर्ना चक्माले गोल गरेपछि सोही गोल निर्णायक बन्यो र बंगलादेश च्याम्पियन बन्न सफल भयो ।

फाइनलना पुगेर नेपाली महिला राष्ट्रिय टिमले हारेको यो १२औं पटक हो भने साफमा मात्रै नेपाल छैटौं पटक उपविजेतामा खुम्चन बाध्य बनेको छ । अघिल्लो पटक पनि फाइनलमै बंगलादेशले नेपाललाई घरेलु मैदानमै उपविजेतामा रोकेको थियोे। नेपाल १ का विरुद्ध ३ गोल खाएर उपविजेता बनेको थियोे ।