छिमेकी देश भारतका स्थल सेनापति जनरल उपेन्द्र द्विवेदी नेपाल आएका छन् । प्रधान सेनापति अशोकराज सिग्देलको औपचारिक निमन्त्रणामा उनी नेपाल आएका हुन् ।

भारतीय सेनाको सैनिक श्रीमती कल्याण सङ्घकी अध्यक्षसमेत रहेकी पत्नी सुनिता द्विवेदी सहित नेपाल आएका द्विवेदी पाँच दिन नेपाल भ्रमण गर्ने छन् । टोली पाँच सदस्यीय रहेको छ ।

उनीहरुलाई त्रिभुवन अन्तर्राष्ट्रिय विमानस्थलमा युद्धकार्य विभागका विभागीय प्रमुख उपरथी प्रेमध्वज अधिकारी र उनकी पत्नीले स्वागत गरेका थिए ।

द्विवेदीलाई बिहीवार राष्ट्रपति भवन शीतल निवासमा आयोजना गरिने विशेष समारोहकाबीच राष्ट्रपति रामचन्द्र पौडेलबाट नेपाली सेनाको मानार्थ महारथीको दर्जा प्रदान गर्ने कार्यक्रम रहेको बताइएको छ ।