इभक्तपुर संवाददाताकञ्चनपुर, २ माघ
कञ्चनपुर, २ माघ भीमदत्तनगरपालिकामा एक महिलाद्वारा जवान पुरुषको हत्या भएको छ । वडा नम्बर १८, कटानमा कोठा भाडामा लिएर बस्दै आएका २५ वर्षीय ससस्त्र प्रहरी राजु बोहराको चक्कु प्रहार गरी गएराती हत्या गरिएको हो ।
बोहरासँग १ महिनादेखि बस्दै आएकी कैलालीकी ३० वर्षीया महिला धर्मा बोहराले चक्कु प्रहार गरी हत्या गरेको जिल्ला प्रहरी कार्यालय, कञ्चनपुरले जनाएको छ ।
राजुको घाँटीमा धर्माले चक्कु प्रहार गरेपछि तत्कालै उपचारका लागि महाकाली अञ्चल अस्पताल पु¥याएपश्चात उनको उपचारका क्रममै मृत्यु भएको प्रहरीले पुष्टी गरेको छ ।
राजु सशस्त्र प्रहरी बलको जवान पदबाट निलम्बनामा परेका थिए भने धर्मा विवाहिता हुन् ।
कुन विवादमा चक्कु प्रहार गरियो भन्नेबारे जानकारी प्राप्त हुन सकेको छैन । प्रहरीले आवश्यक अनुसन्धान भैरहेको भनेको छ ।