बाबुराम दाहालभक्तपुर, ३ माघ
भक्तपुर, ३ माघ बुधवार बिहानै भक्तपुरको ब्रम्हायणी मन्दिर नजिकै एक पुरुषको शव फेला परेको छ । चाँगुनारायण नगरपालिका वडा नम्बर ९ ताथलीका ५५ वर्षीय सिताराम सैंजुको मृत अवस्थामा शव फेला परेको हो ।
शवको प्रकृति हेर्दा हत्या गरिएको हुनसक्ने महानगरीय प्रहरी परिसर भक्तपुृरले जानकारी गराएको छ । मृतकको टाउकोमा ढुंगाले हानेको गम्भीर चोट भेटिएको प्रहरीको भनाइ छ ।
महानगरीय प्रहरी परिसर भक्तपुृरका प्रवक्ता डिएसपी कृष्ण प्रसाइले हत्या आशंकामा २ जनालाई नियन्त्रणमा लिइएको र आवश्यक अनुसन्धान भैरहेको इभक्तपुरलाइ जानकारी दिएका छन ।
”हामी अनुसन्धानको अन्तिम चरणमा छौ , केही समयमै वास्तविकता सार्वजनिक गर्छौ । ” डीएसपी प्रसाइले दावी गरे ।