News Portal

  • प्रहरीको बाक्लो घेरा देखेपछि दिपक मनाङे सपथ नलिएरै टाप

    इभक्तपुर संवाददाता
    ७७८ पटक

    पोखरा, ७ माघ । प्रहरीले पक्राउ गर्ने पक्कापक्की नै भएकाे थाहा पाएपछि मनाङबाट प्रदेश सभा सांसदमा निर्वाचित सपथग्रहण समाराेहमा अनुपस्थित भएका छन् । ४ नम्बर प्रदेशको अस्थायी केन्द्र पाेखरामा अाज अायाेजना गरिएकाे सपथ ग्रहण समारोहमा मनाङे अनुपस्थित भएका हुन् ।

    मनाङे प्रदेशसभा चुनावमा मनाङ ‘ख’ बाट विजयी भएका थिए । एमालेले टिकट नदिएपछि उनी स्वतन्त्र उम्मेदवार बनेका थिए । पछि एमालेको समर्थनमा विजयी भए । तर, प्रदेशसभा सदस्यको सपथ नलिँदै उनी ज्यानमुद्दामा दोषी ठहर भए पनि उनको पद भने कायमै छ ।

    प्रदेश चारका प्रदेश सांसदहरुको सपथग्रहण समारोह पोखरास्थित नगर विकास प्रशिक्षण केन्द्रमा रहेको हलमा आयोजना गरिएको थियो । प्रदेश प्रमुख बाबुराम कुँवरले आइतबार बिहान पदभार ग्रहण गरेलगत्तै सपथ ग्रहणको कार्यक्रम भएको थियो ।

    ज्यान मार्ने उद्योगमा मनाङ्गेलाई पाँच वर्षको जेल सजाय गर्ने पुनरावेदन अदालतको फैसलालार्इ सर्वोच्च अदालतले सदर गरेको थियो । मनाङ्गे शपथ ग्रहण कार्यक्रममा उपस्थित भएको भए पक्रिने जिल्ला प्रहरी कार्यालयका प्रमुख एसपी अशोक सिहंले बताएका छन् ।

    प्रहरीको फरार सूचीमा रहेका मनाङ्गेलाई पक्राउ गर्न आदेश आइसकेको छ । एसपी सिहंले भने, ‘प्रहरीको फरार सूचीमा रहेका मनाङ्गेले शपथ लिन सक्दैनन् । शपथ लिन आए यहीँ पक्राउ गर्ने आदेश थियो । आएको भए पक्रेर बुझाउँथ्यौ ।’

    स्राेतका अनुसार दिपक सपथ जसरी पनि लिने तयारी गरिरहेकै थिए । त्यसका लागि उनले प्रहरीका उच्च अधिकारीदेखि राजनीतिक नेताहरुसँग रहेकाे अाफ्नाे सम्बन्ध पनि प्रयाेग गरेका थिए । उनले अरु कुनै कानुनी उपाय छ कि भनेर अाफ्ना वकिललार्इ लगाएका पनि थिए । तर, प्रहरीले अाफूलार्इ जसरी पक्राउ गर्ने देखिएपछि पाेखराकाे नजिक पुगेर पनि उनी फर्किएकाे बताइन्छ ।

    चार नम्बर प्रदेशका प्रमुख बाबुराम कुँवरले प्रदेश सभाका जेष्ठ सदस्य नेकपा एमालेका तर्फबाट नवलपरासीको बर्दघाट सुस्ता पुर्बमा पर्ने २ (ख) बाट निर्वाचित ६७ बर्षका जनकलाल श्रेष्ठलाई सपथ खुवाएका थिए ।

    प्रदेश प्रमुखबाट सपथ खाएसँगै नगर बिकास प्रशिक्षण केन्द्रमा रहेको प्रदेश सभाहलमा गएर श्रेष्ठले उपस्थित अन्य ५७ जना सदस्यहरुलाई प्रदेश सभा निर्वाचन ऐन २०७४ को दफा ७५ को उपदफा १ मा ब्यवस्था भए बमोजिम सपथ खुवाएका हुन् ।

    प्रदेश सभाका लागि निर्बाचित ३६ र २४ समानुपातिक गरी ६० जना सदस्य रहेकोमा श्रेष्ठ सँगै ५८ जनाले आईतबार सपथ ग्रहण गरेका हुन् । बाँकी २ जना अनुपस्थित रहेका थिए । राजिव गुरुङ उर्फ दिपक मनाङे पक्राउ पर्ने डरले अनुपस्थित रहे भने तनहुँबाट निर्वाचित एमाले सांसद रामबहादुर गुरुङ विदेश गएका कारण अनुपस्थित रहेकाे बताइएकाे छ ।

    प्रदेश नम्बर ४ मा एमाले, कांग्रेस, माओबादी, जनमोर्चा र नयाँ शक्ति गरी ५ दलको प्रतिनिधित्व रहेको छ । ६० सदस्य मध्ये एमालेका २५, कांग्रेसका १५, माओवादीका १४, जनमोर्चाका ३, नयाँ शक्तिका २ र स्वतन्त्र १ जना रहेका छन् ।

    कास्कीका प्रमुख जिल्ला अधिकारी तारानाथ अधीकारीका अनुसार निर्बाचन परिणम आएको २० दिन भित्र संसद बस्नुपर्ने नियम भएकाले सोहि अनुसार अर्को बैठक बस्ने तर मिति भने तय भइसकेको छैन

    प्रतिकृया दिनुहोस्

    दुर्लभ थापालाई निवासमै पुगी महेश बस्नेतको बधाई

    निर्वाचन क्षेत्र नम्बर २ का प्रतिनिधि सभा सदस्यका निकटत्तम प्रतिस्पर्धी रहेका नेकपा एमालेका उम्मेदवार महेश...

    भक्तपुर-१ मा नेमकिपाका सुवाल तेब्बर भन्दा बढी मतान्तरले बिजयी

    prem suwal

    भक्तपुर क्षेत्र नं. १ मा नेपाल मजदुर किसान पार्टी उम्मेदवार प्रेम सुवालले पुनः विजय प्राप्त...

    भक्तपुर-२ मा दुर्लभ थापाको रोमाञ्चक जीत, पूर्वमन्त्री महेश बस्नेत पराजित

    नेपाली कांग्रेसका जिल्ला सभापति रहेका गठबन्धनका साझा उम्मेदवार दुर्लभ थापाले भक्तपुर-२ मा बिजय प्राप्त गरेका...

    ४ महिना थप ३७ जनामा एचआइभी एड्स संक्रमण

    झापामा चार महिनाको अवधिमा ३७ एचआइभी एड्स सङ्क्रमित थपिएका छन् । यस वर्षको साउनदेखि कात्तिकसम्ममा...

    सुनसरी -४ बाट सञ्चार मन्त्री कार्की निर्वाचित

    सुनसरी क्षेत्र नम्बर–४ बाट सूचना तथा सञ्चार मन्त्री एवम् नेपाली कांग्रेसका उम्मेदवार ज्ञानेन्द्रबहादुर कार्की निर्वाचित...

    अङ्ग्रेजी माध्यमले तान्यो विद्यार्थीको आकर्षण

    गुल्मी मालिका गाउँपालिका–४ का १२ वर्षे अमृत अर्याल विद्यालय पुग्न दैनिक तीन घण्टा पैदल हिँड्नुहुन्छ...

    कामनपाको आतंक मच्चाउने कार्य रोक्न महासंघको माग

    अखिल नेपाल किसान महासंघ (क्रान्तिकारी केन्द्र)ले काठमाडौँ महानगरपालिकाको क्रियाकलापहरू तत्काल रोक्न महानगरपालिकासमक्ष जोडदार माग गरेको...

    विपद्बाट बच्न सँधै तयार रहनुपर्ने : प्रमुख प्रजापति

    भक्तपुर नगरपालिकाका प्रमुख सुनिल प्रजापतिले विपद् जोखिम अप्रत्यासित रुपमा आइपर्ने काबु बाहिरको परिस्थिति भएले यसबाट...