News Portal

  • ३ जनप्रतिनिधि प्रहरीको ‘वान्टेड’ सूचीमा : किन गरिएन सार्वजनिक सूचना

    इभक्तपुर संवाददाताभक्तपुर, ८ माघ
    १३५८ पटक
    भक्तपुर, ८ माघ

    सांसदमा निर्वाचित ३ जनप्रतिनिधिलाई नेपाल प्रहरीले अपराधी करार गर्दै ‘वान्टेड’को सूचीमा राखेको छ । प्रतिनिधि सभा सदस्य निर्वाचित पूर्वडीआईजी नवराज सिलवाल, रेशम चौधरी र प्रदेश सांसदमा विजयी राजीव गुरुङ उर्फ दीपक मनाङेलाई पक्राउ गर्न प्रहरीले ‘वान्टेड’को सूचीमा राखेको हो ।

    आईजीपी बढुवामा कार्य सम्पादन मूल्याङ्कन (कासमु) कीर्ते गरी अदालत गएको आरोप पूर्वडीआईजी नवराज सिलवालमाथि लागेको छ । डीआईजीबाट राजीनामा दिएका सिलवाललाई नेकपा एमालेले उम्मेदवार बनाएपछि ललितपुरबाट उनी विजयी बनेका छन । तर कीर्ते मुद्दामा प्रहरीले समात्ने प्रयास गरेपछि उनी फरार छन ।

    अर्का प्रतिनिधि सभा सदस्य रेशम चौधरी पनि फरार छन । उनी पनि प्रहरीको ‘वान्टेड’ सूचीमा परेका छन् । थरुहट आन्दोलनको बेला एक नाबालकसहित सात जना सुरक्षाकर्मीको हत्या घटनाका मुख्य योजनाकारको अभियोगमा चौधरीलाई पनि अदालतले पक्राउ गरी उपस्थित गराउन यसअघि नै आदेश गरेको छ । चौधरी राष्ट्रिय जनता पार्टीबाट कैलाली क्षेत्र नम्बर–१ बाट प्रतिनिधिसभा सदस्यमा निर्वाचित जनप्रतिनिधि भएपनि निर्वाचन आयोगबाट अहिलेसम्म प्रमाणपत्र लिन आएका छैनन् ।

    त्यसैगरी ज्यान मार्ने उद्योगमा उच्च अदालत पाटनले दोषी करार गरेका दीपक मनाङे पनि प्रहरीको वान्टेड सूचीमा छन् । प्रदेश सभामा स्वतन्त्र उम्मेदवारको रुपमा मनाङ बाट निर्वाचित मनाङे पक्राउ पर्ने डर भएपछि आइतबार प्रदेश ४ को अस्थायी केन्द्र पोखरामा प्रदेश सांसदको शपथग्रहण कार्यक्रममा समेत आएनन ।

    नेपाल प्रहरीले यी ३ जनप्रतिनिधिलाई वान्टेडको सूचीमा राखेर खोजतलास गरिरहेको छ । तीनै जना परिचित अनुहार भएकोले फोटो सहितको वान्टेड सूचना भने नगरिएको प्रहरी प्रबक्ताले जानकारी गराएका छन ।

    प्रतिकृया दिनुहोस्

    उपप्रधान तथा गृहमन्त्री लामिछानेको भक्तपुरमा १ रोपनी जग्गा

    सरकारका उपप्रधान तथा गृहमन्त्री रवि लामिछानेको भक्तपुरमा १ रोपनी १ आना पैतृक सम्पत्ति रहेको छ...

    कान्तिपुर मिडिया ग्रुपका अध्यक्ष कैलाश सिरोहिया पक्राउ

    कान्तिपुर मिडिया ग्रुपका अध्यक्ष कैलाश सिरोहिया पक्राउ परेका छन् । सिरोहियालाई नागरिकता कीर्ते आरोपमा प्रहरीले...

    भक्तपुरमाथि विभेद भएको छ : मेयर प्रजापति

    आदरणीय नगरबासी दाजुभाइ तथा दिदीबहिनीहरू, दोस्रो कार्यकालको निम्ति हामी निर्वाचित भएर बहाली भएको आज दुई...

    भक्तपुरका बासुले ल्याए मोबाइल हराउन नदिने ‘एप’

    भक्तपुरका व्यवसायी सुवास बासुले मोबाइल हराउन नदिने एप्लिकेशन भित्राएका छन् । उनले भारतमा लोकप्रिय रहेको...

    एमाले भक्तपुरको अध्यक्षमा दोहोरिए देउजा

    नेकपा एमालेको भक्तपुर जिल्ला कमिटीको ९ औं अधिवेशनले नयाँ नेतृत्व निर्वाचित गरेको छ । सल्लाघारीस्थित...