नेपाली क्रिकेटको इतिहासमा सन्दिप लामिछानेले सुनौलो अक्षरले नाम लेखाएका छन । उनी २० लाख भारतीय रुपैयाँ पाउने गरि ‘दिल्ली डेयर डेभिल्स’मा अनुबन्ध हुनेभएपछी दामसंगै नाम पनि कमाउने पहिलो नेपाली बनेका छन ।

आइपिएलको लागि भएको खेलाडी अक्सनमा लामिछानेलाई २० लाख भारु (नेरु ३२ लाख) खर्च गरेर दिल्ली डेयर डेभिल्सले लिने भएको छ । अक्सन सूचीमा ५ सय ७८ जनाको नाम रहेको थियो जस्मा सन्दिप २ सय ७८ नम्बरमा थिए। आइपिएलका ८ टिमले आफ्नो टिममा बढीमा २५ र कम्तीमा १८ खेलाडी राख्नुपर्नेछ। जसमा एक टिममा बढीमा ८ जना विदेशी खेलाडी रहन सक्ने व्यवस्था छ ।

१७ वर्षीय लेग स्पिनर सन्दीपलाई स्वागत गर्न पाउँदा निकै खुसी लागेको भन्दै दिल्ली डेयर डेभिल्सले ट्वीट गरेको छ ।

अस्ट्रेलियाका पूर्व कप्तान माइकल क्लार्कले पनि ‘सन्दीप ठूलो सम्भावना भएका खेलाडी भएको भनेका छन् ।

नेपालका पुर्व कप्तान बिनोद दासले पनि उनलाई बधाई दिएका छन । १७ बर्षकै उमेरमा उनले पाएको अवसर हुने बिरुवाको चिल्लो पात भएको भन्दै विश्वभरबाट क्रिकेट प्रेमीहरुले उनलाई बधाई र शुभकामना ओइराइरहेका छन ।

हेर्नुस् कस्ले के भने