काठमाडौँ, १७ माघ प्रधानन्यायाधीश गोपाल प्रसाद पराजुलीबाट आफ्नो ज्यानलाई खतरा भएको भन्दै वरिष्ठ अधिवक्ता सुरेन्द्र भण्डारीले सुरक्षाको माग गरेका छन । बुधवार जिल्ला प्रशासन कार्यालयमा भण्डारीले शान्ति सुरक्षाको माग गर्दै निवेदन दिएका हुन् ।
डा गोविन्द केसीलाइ सर्बोच्चले मानहानीको मुद्दामा रातारात तानेपछि केसीको पक्षबाट उनले बहस गरेका थिए ।डा गोविन्द केसीको पक्षमा वकालत गरेकै कारण आफुलाई सिध्याइदिने धम्कि आएको जिकिर गर्दै भण्डारी जिप्रका पुगेका हुन् ।
प्रधानन्यायाधीश र डा केसीको अदालती बहसमा विपक्षीका तर्फबाट वकालत गरेको विषयलाई लिएर ज्यान मार्ने धम्की आएको भण्डारीले आफ्नो निवेदनमा उल्लेख गरेका छन ।
शंखमूलस्थित आफ्नो कार्यालयमा अज्ञात समूह आएर ज्यान मार्ने धम्की दिएको र मोबाइलबाट पनि पटकपटक धम्की आएको भण्डारीले जनाएका छन । भण्डारीले प्रधान न्यायाधिस पराजुलीले आफुलाई फोन गरेर देखाइदिने , सिध्याइदिने धम्कि दिनु र आफ्नो घर र अफिसमा आफुलाई थर्काउन गुण्डाहरु आउनु संयोग मात्र हुन नसक्ने भन्दै सुरक्षाको माग गरेपछि जिप्रकाले प्रहरीलाई अनुसन्धान गर्न निर्देशन समेत दिइसकेको श्रोतले जानकारी दिएको छ ।