इभक्तपुर संवाददाताभक्तपुर, २० माघ
भक्तपुर, २० माघ शनिवार भएको एक सडक दुर्घटनामा परि सूर्यविनायकका एक व्यक्तिको ज्यान गएको छ । दुर्घटनामा परि सूर्यविनायक नगरपालिका–१० का ५५ वर्षीय बद्री खड्काको ज्यान गएको हो ।
बनेपा नगरपालिका–१ स्थित टुकुचानालामा पैदल हिडिरहेका खड्कालाई टिपरले ठक्कर दिएको थियो । उनको घटनास्थलमा नै मृत्यु भएको प्रहरीले जनाएको छ ।
प्रहरीका अनुसार भक्तपुरबाट बनेपातर्फ आउँदै गरेको बा ४ ख ३३२६ नम्बरको टिपरले खड्कालाई ठक्कर दिँदा उनको घटनास्थलमै मृत्यु भएको थियो ।
खड्काको ज्यान गएपछि बनेपा बजार केहिबेर तनाबग्रस्त बनेको बताइएको छ । स्थितिलाई नियन्त्रणमा लिन प्रहरीले १५ राउन्ड अश्रु ग्यास प्रहार गर्नुपरेको थियो । दुर्घटना गराउने टिपर र चालकलाई इलाका प्रहरी कार्यालय बनेपाले नियन्त्रणमा राखी आवश्यक अनुसन्धान गरिरहेको प्रहरीले जानकारी गराएको छ ।
