काठमाडौँ, २३ माघ आन्तरिक राजस्व विभागका निलम्बित महानिर्देशक चुडामणि शर्माको बुढानिलकण्ठस्थित घरमा नेकपाका कार्यकर्ताले घेराउ र तोडफोड गरेका छन ।
मंगलवार दिउसो सयौको संख्यामा उपस्थित नेकपाका कार्यकर्ताहरुले बुढानिलकण्ठ नगरपालिका वडा नम्बर २२ महादेव खोला टोलमा रहेको शर्माकाे घरलाई भ्रष्टाचारीको अखडा भएको भन्दै ढुंगा हानेका थिए । अाक्रमणबाट शर्माकाे घरका सीसाहरु फुट्नुको साथै झ्याल र ढोकामा ठूलाे क्षति पुगेकाे छ ।
शर्माले कर फछ्र्यौट आयोगबाट २० अर्ब रुपैयाँ अनियमितता गरेकाे आरोप छ भने एनसेल बिक्री करमा समेत अर्बाै छुट दिन मुख्य भूमिका निर्वाह गरेकाे भनिएको छ ।
नेकपाले उनकाे सम्पतीको स्रोत भ्रष्टाचार भएकोले राष्ट्रियकरण गर्न माग गरेकाे छ । शर्माको घरको गेटमा नेकपाले कालो ब्यानरमा आफ्नो माग झुन्ड्याएको छ । भ्रष्टाचार बिरोधी अभियान भन्दै नेकपाले बिबादित ब्यक्तिहरु माथि यस अघि पनि यस्ता कार्यक्रम गर्दै आएको छ ।