इभक्तपुर संवाददाताभक्तपुर, २८ माघ
भक्तपुर, २८ माघ आईसीसी विश्व क्रिकेट लिग डिभिजन दुईमा नेपालले लगातार दोस्रो जीत हात पारेको छ । नेपालले आइतवार युएईलाई पराजित गरेको हो ।
नामिबियाको युनाइटेड ग्राउण्डमा भएको खेलमा युएईलाई ४ विकेटले पराजित गर्दै नेपालले शानदार विजय प्राप्त गरेको छ ।
जितका लागि पाएको ११५ रनको लक्ष्य नेपालले २८ दशमलव पाँच ओभरमा ६ विकेट गुमाएर पूरा गरेको हो ।
नेपालका लागि कप्तान पारस खड्काले ५१ रन बनाए । यस क्रममा उनले पाँच छक्का र दुई चौका हाने । आरिफ शेखले १६ तथा रोहितकुमार पौडेल र सोमपाल कामीले अविजित रहँदै क्रमशः १२ र १० रन बनाए ।
बलिङतर्फ नेपालका लागि सोमपाल कामीले ४, सन्दिप लामिछाने ३, कप्तान पारस खड्काले २ तथा करण केसीले १ विकेट लिएका थिए ।