भक्तपुरमा जारी मेयर कम अन्तर नगरपालिका भलिबल प्रतियोगितामा बिहीवार ६ जोडी नगरपालिकाबीच भिडन्त भएको छ ।
शहिद स्मृति खेल मैदान लगायत , विद्यालयहरुको खेल मैदानमा समेत गरि आज १२ बटा नगरपालिकाकाे प्रारम्भिक प्रतिष्पर्धा सकिएका हो । प्रतिस्पर्धामा २१ टीम सहभागी छन ।
आयोजक भक्तपुर नगरपालिका आजको खेलमा बिजयी बनेको छ । भक्तपुरले किर्तिपुर नगरपालिकालाई ३ – ० को सोझो सेटमा पराजित गरेको हो । हेटौडा उपमहानगरपालिका र मध्यपुर थिमी नगरपालिका बीचको खेलमा मध्यपुर थिमीले हेटौडा उपमहानगरपालिका लाई ३-१ सेटको अन्तरले हरायो ।
हेटौडाले हारेपनि मकवानपुरकै थाँहा नगरपालिका भने बिजयी भनेको छ । यसले धुलिखेल नगरपालिका लाई ३ – १ सेटले पछि पार्न सफल भयो । बनेपाले गोदावरीलाई ३ – १ सेटको अन्तरमा जित्यो ।
त्यसैगरी ललितपुर उपमहानगरपालिकाले पनौती नगरपालिका लाई ३ – ० को सोझो सेटमा पराजयको स्वाद चखायो भने धनकुटालाई बुढा निलकण्ठले ३-१ को सेटमा हराएको छ
प्रत्यक सेटमा प्राप्त स्कोर तलको तालिकामा हेर्नुहोला
