भक्तपुरमा जारी मेयर कप अन्तर नगरपालिका भलिबल प्रतियोगितामा शनिवार प्रि-क्वाटरफाइनल चरण सकिएको छ । प्रि-क्वाटरफाइनलमा पुगेका १६ नगरपालिका मध्य ८ क्वाटरफाइनल चरणमा प्रबेश गर्न सफल भएका छन् ।

आजको खेलमा आयोजक भक्तपुर नगरपालिकाले खेल गुमाएको छ । भक्तपुर नगरपालिका ललितपुरको गोदावरी नगरपालिकासंग पराजीत बन्न पुगेको हो । यस अघि तीनै सेटमा जीत निकालेको भक्तपुर आजको खेलमा भने गोदावरीसंग तीनै सेटमा पराजीत बन्न पुग्यो । भक्तपुरले यसअघि शुक्रवार बीरगंजलाई र बिहीवार किर्तिपुरलाई तीनै सेटमा पराजीत गर्दै उत्कृष्ट नतिजा निकालेको थियो ।आजको खेलमा गोदावरीका खेलाडी तोरण मगर म्यान अफ द म्याच घोषित भए ।

शनिवार नै भएको खेलमा सूर्यबिनायक नगरपालिकाले भने जीत निकालेको छ । प्रतिस्पर्धी जनकपुरलाइ सूर्यबिनायकले ३-0 को सोझो सेटमा पराजीत गर्दै जीत निकालेको हो । सूर्यबिनायकले यसअघि नवलपरासीको रामग्रामलाई जितेको थियो । आजको खेलमा सूर्यबिनायकका कमल सुनार म्यान अफ द म्याच घोषित भए ।

आजको खेलमा भोजपुरले मध्यपुरलाइ पराजित गरेको छ । बिहीबार हेटाैडालाइ जीतेको मध्यपुरले शुक्रवार तीनै सेट गुमाउदै कैलालीको गोदावरी नगरपालिकासंग हार बेहोरेको थियो ।

आज बनेपाले किर्तिपुरमाथि बिजय प्राप्त गरेको छ भने ललितपुरले धनकुटालाइ जितेको छ । त्यसैगरी तिलोतमाले बुढानिलकण्ठमाथि जीत कायम गर्यो ।

आजको खेलमा मकवानपुरको थाहाँ नगरपालिकासंग नवलपरासीको रामग्राम र कैलालीको गोदावरीसंग पोखरा अनुपस्थित रहेपछि थाहाँ र  गोदावरी स्वत: क्वाटरफाइनल प्रवेश गरेका छन् ।

हेर्नुस् स्कोरसहितको बिबरण