सर्लाहीकै सर्बाधिक धनरासी रहेको राजर्षि जनक कप फुटबल प्रतियोगिताको घोषणा गरिएको छ ।प्रतियोगिता चैत्र ८ बाट हुने घोषणा गरिएको हो ।
मेरो मनको ज्योती बागमती युवा क्लबको आयोजनामा हुन लागेको दोस्रो संस्करणको प्रतियोगिता बागमतीस्थित बागमती सिचाई आयोजनाको खेलमैदानमा हुने र खेल सम्पन्न गर्न करिब ५०लाख खर्च लाग्ने अनुमान गरिएको क्लब का अध्यक्ष किस्मत मैनालीले सोमबार पत्रकार सम्मेलन मार्फत जानकारी गराएका छन् ।
प्रतियोगितामा सर्लाही ११ सहित नेपालका तीन बिभागिय टिम तथा भारत र भुटानका टिमसमेत सहभागी हुने बताइएको छ
सर्लाहीकै गौरब बोकेको प्रतियोगिता मा बिजयी हुने टिमले राजर्षि जनक कपसहित नगद ५ लाख र उप बिजेता ले नगद ३ लाख पाउने छ्न ।
त्यस्तै खेल अबधी भ मा उत्कृष्ट खेल प्रदर्शन गर्ने एक खेलाडीलाई २ लाख ५० हजार मुल्य बराबरको बाईक र अरु तीन खेलाडीलाई ३३ हजार मुल्य पर्ने मोबाईल सेट प्रदान गर्ने जानकारी गराईएको छ ।

जिल्ला फुटबल संघ सर्लाहीका अध्यक्ष ठाकुर बहादुर सुस्लिङ्गको अध्यक्षतामा गरिएको पत्रकार सम्मेलनमा पूर्व सांसद नरेन्द्र साहले प्रतियोगिताको पुरस्कारको लागि तयार गरिएको करिब ४ लाख को लागतमा चादी तथा सुन को जलप लगाई बनाईएको २० किलोग्राम तौल रहेको कप क्लबका अध्यक्ष मैनालीलाई हस्तान्तरण गरेका थिए ।
कार्यक्रम मा बागमती नगरपालिकाकी उपमेयर लिला कुमारी मोक्तान, क्लब का पूर्व अध्यक्ष रेवती कुमार पन्त लगायतको उपस्थिती रहेको थियो ।