३०, चैत्र।

निर्माणाधीन नारायणगढ मुग्लिन सडकखण्ड नयाँ बर्षको दिन शनिवार भोलि खुल्ला रहने भएको छ ।हरेक दिन बिहान १० बजेबाट दिउँसो ४ बजेसम्म बन्द गरे निर्माण भैरहेको सडक शनिबार दिनभरी खुल्ला रहने आयोजनाका सूचना अधिकारी शिव खनालले जानकारी दिएका छन्

‘नयाँ बर्षको दिन सवैलाई आवातजातवमा सहज होस् भनेर बन्द नगर्ने निर्णय गरियो’ खनालले भने, ‘कामदारहरुले पनि काम नगर्ने र नयाँ वर्ष मनाउने भएपछी सडकबन्द नहुने  समेत बताए । वैशाख २ गतेबाट भने पुनः १० बजेदेखि ४ बजेसम्म सडक बन्द गरी काम रोकिने खनालले बताए ।
निर्माण जारी सडकको हालसम्म ८८ प्रतिशत काम सकिएको छ । आगामी मे ३० तारेखसम्म निर्माणको काम सकि सक्ने गरी अन्तिम समया वधि थप गरिएको छ । भरतपुरको आँपटारीबाट मुग्लिन सम्म ३३.२ किलोमिटर रहेको सडकको २८.५ किलोमिटर सडक पहिलो तह कालोपत्रे भइसकेको छ ।
दोस्रो तह २५ किलोमिटर र तेस्रो तह ५.५ किलोमिटर पिच भएको छ । पहिलो तहको कालो.पत्रेलाई नै मुख्य जोड गरेको जनाउँदै सूचना अधिकारी खनालले भने, ‘दोस्रो र तेस्रो तहको पिच सक्न १ महिना पनि लाग्दैन ।’