सुनसरी । सुनसरीका जिल्ला शिक्षा अधिकारी घुस सहित पक्राउ परेका छन् । बुधबार बिहान अख्तियार दुरुपयोग अनुसन्धान आयोगको कार्यलय इटहरीको टोलीले शिक्षा अधिकारी खगेन्द्र सुवेदीलाई आफ्नै निवास इनरवाबाट पक्राउ गरेको हो ।

जिल्लाको श्री आधारभूत माध्यमिक विद्यालय भण्टाबारीको भवन निर्माणमा भ्रष्टाचार भएको र त्यसलाई मिलाइ दिने घुस लिइरहेका बेला उनलाई अख्तियार दुरुपयोग अनुसन्धान आयोगको टोलीले ५० हजार रुपैयाँ घुस लिँदै गरेको अवस्थामा पक्राउ गरेको जनाएको छ । सुवेदी अहिले अख्तियारको नियन्त्रणमा रहेका छन् । थप अनुसन्धान भइरहेको अख्तियारले जनाएको छ ।