काठमाडौं, ३ भदाैएसिया कप क्रिकेट प्रतियोगिताको छनोट खेलका लागि पारस खड्काको कप्तानीमा १५ सदस्यीय टोलीको घोषणा गरिएको छ ।
भदौ ११ देखि २२ गतेसम्म मलेसियामा हुने प्रतियोगिताका लागि टोली घोषणा गरिएको हो ।
टोलीमा कप्तान पारस खड्का, उपकप्तान ज्ञानेन्द्र मल्ल, वसन्त रेग्मी, अनिलकुमार साह, विनोद भण्डारी, दिपेन्द्रसिंह ऐरी, करण केसी, ललित भण्डारी, ललितनारायण राजवंशी, आरिफ शेख, रोहितकुमार पौडेल, सागर पुन, सन्दीप लामिछाने, सोमपाल कामी र सुवास खकुरेल रहेका छन ।
वैकल्पिक खेलाडीमा प्रदीप ऐरी, किशोर महतो, सुनील धमला र सुसन भारी छन् ।
यसाघी पारस खड्काको कप्तानीमा अनिल कुमार साह, बसन्त रेग्मी, बिनोद भण्डारी, दिपेन्द्र सिंह ऐरी, ज्ञानेन्द्र मल्ल, करन केसी, किशोर महतो, ललित भण्डारी, ललित नारायण राजबंशी, आरिफ शेख, प्रदिप ऐरी, रोहित कुमार पौडेल, सागर पुन, सन्दिप लामिछाने, सोम्पाल कामी, सुबाश खकुरेल, सुनिल धमला र सुशन भारीको टिम घोषणा गरिएको थियो ।
प्रतियोगिताको शीर्ष दुई टोलीले फाइनलमा खेल्ने छन् जसमा जित्ने टोलीले युएइमा एसिया कप खेल्न छनौट हुनेछ भने डिसेम्बरमा आयोजना हुने इमर्जिङ्ग टिम्स एसिया कपमा समेत स्वतः छनौट हुनेछ।
एसिया कपको छनोटमा नेपालसहित आयोजक मलेसिया, युएइ, हङकङ, सिंगापुर र ओमानले खेल्ने छन् । ५० ओभरको हुने खेलमा सम्पूर्ण खेल मलेसियन समय १० बजे बिहान अर्थात् नेपाली समय अनुसार विहान ७:४५ बजे शुरु हुनेछ ।
यस्तो छ नेपालको खेल तालिका :-
२९ अगस्ट – नेपाल Vs ओमान ( बायुमास ओभल मैदान )
३० अगस्ट – नेपाल Vs युएई ( किनरारा ओभल मैदान )
१ सेप्टेम्बर – नेपाल Vs मलेसिया ( बायुमास ओभल मैदान )
२ सेप्टेम्बर – नेपाल Vs सिंगापुर ( युकेएम ओभल मैदान )
४ सेप्टेम्बर – नेपाल Vs हंगकंग ( युकेएम ओभल मैदान )
६ सेप्टेम्बर – फाईनल ( किनरारा ओभल मैदान )