News Portal

  • सबै नागरीकलाई सैनिक तालिम दिइनुपर्नेमा जोड

    भक्तपुर, ६ कात्तिक
    १९७४ पटक
    भक्तपुर, ६ कात्तिक

    भक्तपुर नगरपालिकाका प्रमुख सुनिल प्रजापतिले सबै नागरीकलाई सैनिक तालिम दिइनुपर्नेमा जोड दिएका छन् । नेपाल मजदुर किसान पार्टीका केन्द्रीय सदस्यसमेत रहेका प्रमुख प्रजापतिले नेमकिपाले पहिले देखि नै सैनिक तालिम माग गरेको स्मरण गर्दै यसको आवश्यकता औल्याएका हुन् ।

    बुधवार भक्तपुर-१ स्थित नवनिर्मित पाटी र शारीरिक व्यायाम स्थल उद्घाटन गर्दै प्रमुख प्रजापतिले भक्तपुरमा समाजवाद उन्मुख व्यवस्था अनुसार नीति तथा कार्यक्रमलाई अगाडि बढाइएको जिकिर गर्दै सैनिक तालिमले जनतालाई देशप्रति बफादार बनाइराख्ने मात्र नभई हरेक नागरीकको स्वास्थ्यमा समेत यसले सकारात्मक प्रभाव पार्ने बताए ।

    उक्त अवसरमा उनले शारीरिक तथा मानसिक स्वास्थ्यको लागि व्यायामको महत्वबारे बताउदै शारीरिक व्यायाम र खेलकुद मानव जीवनको अभिन्न अंग भएको धारणा व्यक्त गरेका थिए । नगरपालिकाले प्रत्येक वडामा पर्याप्त व्यायाम सामाग्री सहितको ब्यायामस्थल स्थापना र संचालन गरिरहेको जानकारी दिंदै उनले यहि महिना नगरभित्रका विद्यालय स्तरीय खेलकुद प्रतियाेगिता समेत नगरपालिकाले आयोजना गर्ने जानकारी गराए ।

    उक्त अवसरमा नगरप्रमुख प्रजापतिले नःपली सेजनानगर सेवा समितिलाई शारीरिक व्यायाम सामाग्री समेत हस्तान्तरण गरेका थिए । उपभोक्ता समितिका कोषाध्यक्ष बाबुकाजी धौबन्जारले बताए अनुसार लागत इष्टिमेट ५९ लाख ९० हजार रुपियाँ रहेको नवनिर्मित पाटी र व्यायाम स्थल कूल रु ५२ लाख ३७ हजार खर्चमा तयार भएको हो ।

    वडा नम्बर १ का वडाध्यक्ष श्यामकृष्ण खत्रीको अध्यक्षतामा संचालित उक्त कार्यक्रममा पूर्व वडाध्यक्ष लक्ष्मीनारायण राजलवत,नवनिर्मित पाटी उपभोक्ता समितिका अध्यक्ष गणेशभक्त कोजु लगायतले मन्तब्य राखेका थिए ।

    प्रतिकृया दिनुहोस्

    सहकारी ठगि प्रकरणको छानबिन गर्न सांसद थापा संयोजक रहेको संसदीय समिति गठन

    काठमाडौँ । प्रतिनिधिसभाले सहकारी ठगि प्रकरणको छानबिन गर्न संसदीय समिति गठन गरेको छ ।  समितिको...

    यस्ता छन् बजेटका पाँच उद्देश्य र प्राथमिकता(पूर्णपाठ सहित)

    बजेटको नयाँ ब्यागका साथमा अर्थमन्त्री वर्षमान पुन । तस्बिरः केशब गुरुङ अर्थमन्त्री वर्षमान पुनले कूल...

    बजेटको बक्तब्यमै भक्तपुरको शान, पुनको बजेटले बढायो ढकालको सम्मान

    सरकारले प्रस्तुत गरेको आगामी आर्थिक वर्ष २०८१/८२ को बजेट बक्तब्यमा भक्तपुर जिल्लाका केही आयोजनालाई प्राथमिकता...

    ४ सवारी साधन ठोक्किदा गयो २ जनाको ज्यान

    नारायणगढ-मुग्लिन सडक खण्डमा आइतबार राति भएको सवारी दुर्घटनामा परी मृत्यु हुनेको सङ्ख्या दुई पुगेको छ...

    चाँगुनारायणका उपप्रमुखको तलब र भत्ता, स्कूले विद्यार्थीलाई पोशाक र जुत्ता

    भक्तपुरको चाँगुनारायण नगरपालिकाका उपप्रमुख रमेश बुढाथोकीले आफूले पाउने तलब भत्ताको रकम विद्यालय पढ्ने बाबुनानीहरुको लागि...